🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الحادي والستون 🌟
جيدان: جيدان ماشي هي لي تقبل بكنة فقيرة، جاية من حي حقير بحال هداك.... ولا يمكن تقبل بوحدة برهوشة......
تمشات جيدان بداك القفطان الأخضر الطويل جهة الباب جبدات هاتفها الذكي كتجري مكالمة وعينيها أمواج من الخبث....
تفتح الخط باش تلتقط مسامعها صوت انثوي رقيق....
الفتاة: ألــو.....
جيدان: بنتي سكينة صاڤا....؟
سكينة: وي خالتي الحمد لله ونتي كيف دايرة؟
جيدان: ماشي مزيان خصك تجي تشوفي كفاش ولدي ضايرين بيه اللفعات....
نطقات سكينة بقلق...
سكينة: واش عُثمان احم بغيت نقول سي عثمان....
ابتسمات جيدان ناطقة بهدوء.....
جيدان: عثمان ماشي غريب عليك باش تعيطي عليه برسمية....
ردات عليها سكينة بنبرة خجولة...
سكينة: عارفة أخالتي....ولكن مافهمتش كلامك كفاش ضايرين بيه اللفعات....
ضارت جيدان كتشوف في براءة بنظرة حقودة....
جيدان: وحدة فقيرة، همجية مكتفهم والو في حياة الناس لي بحالنا... قالت مع راسها خليني نجرب ندخل لهاد الحياة..... حاطة عينيها على ولدي عثمان وأنا حالفة بحلوفي حتى نتقب العين لي تحط عليه......
غوتات سكينة بصدمة ناطقة.....
سكينة: كفاااش؟ واش كتهضري بصح.....!!
جيدان: آه وعلى داكشي اتصلت بيك باش تجي وتنقديني من هاد اللفعة... عارفاك ابنت ختي من صغرك كيعجبك ولدي... ونتي تبارك الله اكثر وحدة غاتناسبيه بنت ثلاثينية من عمرك غاتناسبي ولدي عثمان.... ياك ابنتي!!
سكينة: معلوم اخالتي نقدر ندير اي حاجة طلبتيها مني على راسي وعيني..... مستحيل نخلي شي بنت المرأة تقرب منو.....
جيدان: هكاك نبغيك.....
❄️في جهة أخرى❄️
كانت يسرى واقفة امام قاعة الحفلات بفستانها الأحمر طالقة شعرها المموج على طول ضهرها....كتسنى فيه يجي..... ماكانت غير بضع ثواني حتى جا لابس كوستيم أسود......
ابتسمت فور ماشافتو وقربات عندو معنقاه وتهزات مقبلاه من فمو....
يسرى: حياتي....
جرها من خصرها كيتحسس جنابها واضع يدو على ظهرها العاري..... مخنزر....
أيوب: مال مك على هاد الكسوة المقزبة واش باغا نرجع قبيح معك ثاني.....؟
يسرى قلبات وجها للجنب مخنزرة ونطقات...
يسرى: ياك وأنا لي كنت باغا نعجبك....
شدها من ذقنها ساهي فعينيها ونطق....
أيوب: كنغير عليك واش فهمتي...!!مابغيت حتى شي ذكر يشوف فيك......
ابتسمت فوجهو ونطقات بلاما تفكر جوج مرات....
يسرى: إوا صافي غاندير النقاب باش مايشوف فيا حتى واحد غيرك....
وسع عينيه بدهشة ماتخيلش غايكون جوابها هكا....
أيوب: واش كتهضري من نيتك؟
يسرى حطات يديها على صدرو العريض ناطقة بخفوت وبدلال.... صدماتو بالتحلوين والغنج ديالها....
يسرى: كندوي بصح أصلا كتهمني غير نت يعني نت لي من حقك تشوفني.....
عنقها واخدها في حضنو و تكلم مغمض عينيه....
أيوب: مكنتخيلش حياتي بلا بيك أيسرى.... نتي فشكل على البنات لي عرفت في حياتي....
يسرى: وا حتى أنا خصك غير تزوج بيا دغيا.....
ضحك على كلامها ونطق....
أيوب: وعد.....
#يتبع........ بأنامل: رباب نجمة 🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
