🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الثالث والخمسون🌟
في نفس الوقت ولكن في بلاصة مختالفة... وبالضبط في جناح كبير في فندق العمران...... كانت واقفة قدام المراية كتنشف شعرها لابسة صاية قصيرة فالأسود مفتوحة من الجنب بإثارة..... وقميص أحمر بلا أزرار........منفوخ من الكثاف بشكل أنيق ومزير على صدرها المبندر....وعليه فتحة مبينة شقة صدرها......
خلات شعرها مطلوق سارد وجلسات كدير المايكاب.....ركزات على عينيها البنية جبداتهم بالأيلاينر..... ودارت حمرة فاتحة بارزة شنيفاتها...... عطات قبلة في الهواء وهزات صاكها خارجة كتمختر......
وصلات للأسفل راكبة في سيارتها وعازمة دير غير لي فراسها.....ماكانت غير خمسة الدقايق حتى كانت أمام القهوة لي كيجلس فيها أيوب.... دخلات كتقلب بعينيها عليه حتى لمحاتو كيشيش.... ماحس بيها غير واقفة عليه..... ركز مزيان في لبسها و ماكان غير شادها من معصمها ومخرجها بعنف......
يسرى: آي طلق مني راك وعتيني.....
أيوب: لحد الساعة راني مبرد معك الطرح أيسرى أش قالك داك المخ لي عندك.....
قربات منو واضعة أصابعها على عنقو وفمها بالكاد لامس فمو ودوات بهمس كتشوف فيه بنظرات جريئة ومثيرة.....
يسرى: توحشتك وجيت نشوفك....
زير على خصرها بيديه مكاليها مع الطموبيل ديالها ونطق ظاغط على كلامو.....
أيوب: همم وماحشوماش عليك تديري فيا هاد العمايل وتفيقي الغيرة لي فيا.... يسرى علاش كتعصبيني همم...
يسرى: مادرت والو أحبي.....
وسع عينيه مصدوم من ديك الكلمة....... بغيت غير نديرها ليك مفاجأة.......اش باليك نمشيو لحدى لبحر بغيت نقوليك شي حاجة........
هزز راسو بالإيجاب وبعد منها ماساخيش بحضنها.... طلعوا في السيارة واتاجهوا لكافي جنب البحر......
نزلات يسرى شادة فيد أيوب ودخلوا للكافي.... دومونداو عصير ليسرى وكافي نواغ لأيوب.........وشافت فيه بإبتسامة.....
يسرى: بغيت نتزوج......
كحكح قريب يجيف مصدوم من هضرتها.... مداتليه الما ونطقات....
يسرى: بالشوية عليك أحياتي.....
شاف فيها بعصبية ونطق......
أيوب: كفاش شكاتخربقي على ديني أنا......
مدات يسرى يديها ليديه وشافت فيه بحب كبير ناطقة......
يسرى: بغيت نتزوج بيك أ أيوب وليت كنتسطا عليك وماكرهتش نتزوجوا أش قلتي؟
شاف فيها بإستغراب ناطق بإهتمام.....
أيوب: هادي خطة جديدة ولا كفاش باغيا تردي الصرف أ يسرى!
رمشات بعدم فهم وببراءة زايدة كتحاول تخفي نظراتها المتوترة.....
يسرى: هنن واش ماتيقتينيش....ماتقتيش بلي أنا كنبغيك.....
قربات بوجها عندو عاضة على شفايفها ونطقات بغمزة.....
يسرى: قادرة نبرهن ليك.....
وسع فوهة فمو بصدمة....مامتيقش كلامها الجريئ ونطق بجدية.....
أيوب: برهنيلي.....
#يتبع..... فنظركم لاياش كتخطط يسرى... واش فعلا ولات كتبغي ايوب وغادي تنعس معاه بهاد السهولة...... 😮❤️🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
