🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الأول: عالمي المظلم.☠️
🌟الجزء الخامس والعشرون🌟
بقات كدور وتقلب بعينيها حتى وقفات كتلمحو جالس على واحد الدريجة كيكمي برجولية ويبخ الدخان ببطئ مشكل غيوم فالهواء....
قربات جيهتو وجلسات حداه كتشوف فيه بحب كبير....
براءة: واش فراسك الگارو مامزيانش لصحتك...
رد عليها بإبتسامة ساخرة كيشوف لبعيد...
عثمان: بنادم لي مامزيانش...
جاوباتو بهدوء واضعة أصابعها على الگارو لي فيديه...
براءة: شنو لي مقلقك... ؟
تبع ليها العين شنو باغا تصنع حتى شافها كتزطم عليه ببلغتها الزرقاء الصغيرة طلع عينيه مع ساقها لامح بعينيه السود كعيون الغزال خلخال مذهب عاطي جمالية لساقها البيضاء..... ابتسم جنب ونطق....
عثمان: مقلقني حال ولادي....
حطات يديها على يديه حسات ببرودة يديه... اما هو حس بحرارتها خلات رعشة طفيفة تسرى فذاتو.....
براءة: أشنو كاين... ؟
عثمان: هادشي لي وقع اليوم غير مغايخلق العداوا بين ولادي بجوج....
نطقات بهدوء....
براءة: حتى نت حسيتي بإعجاب عمران ناحية فتون....
هزز راسو بالإيجاب وهي كملات كلامها بخفوت....
براءة: ولكن ماحسيتيش بحبي ليك....(بعصبية مصطنعة) عور....
قالت بهدوء.....
براءة: إن شاء الله كلشي غايولي مزيان والخوت ماغايوقع بيناتهم حتى مشكل تفاءل شوية....ماتنساش بلي آرسلان رجل واعي وذكي مغايبغيش يخلق المشاكل بينو وبين عائلة التلمسي وهاد القرار من جيهتو أكيد فكر فيه بزاف قبل مايطرحوا....
شاف فعينيها ساكت لبرهة.. ورجع تسارى بعينيه على وجها البريئ ركز عينيه فشفتيها المنتفخة كتفوح منهم رائحة الكرز لي كتهيج أي واحد..... ورجع نزل بعينيه لجسمها الأنثوي لي عليه جلابة تقليدية عصرية مبيناها أنثى كاملة.... ابتسم بهدوء وتكلم....
عثمان: جات معك الجلابة أزين....كبرتي وزيانيتي....
حسات بالفراشات كيلعبوا فكرشها... وقلبها حاساتو غايدير الجناح ويطير......حمرة طفيفة ظهرات على خدودها كدليل على خجلها وعينيها لمعوا بنجوم خفية فاضحة مشاعرها البريئة ناحيتو.... أخيرا شافها على أساس بنت كبيرة وناضجة...اذن كاين أمل....نطقات بصوت شبه مسموع وعينيها فعينيه....
براءة: يزين يامك.....
ماخفاوش عليه نظراتها الرقيقة... خايف يتأكد من شكوكو.... شاف فيها معنقها عندو....
عثمان: جاك البرد؟
هزات راسها بالإيجاب مخشية فيه ماساخياش بحضنو الدافئ.... تأكدات بلي حياتها بلا عثمان ماعندها حتى معنى....روحها كتحيى غير بوجودو.....
هزات راسها شافت فيه ماقادراش تمنع راسها من أنها تقرب ليه وتلمس وجهو بشفايفها...
باستو قبلة ساخنة على خدو بحنان وعينيها مغمضين...
غمض عينيه مستسلم لملمس شفايفها على خدو..... حل عينيه فور ماحس بيها بعدات...وهربات منو داخلة للڤيلا.....
تحسس مكان القبلة بيدو مصدوم من تصرفها ومافاهمش السبب لي يخليها تقبلو......زعما يكون داكشي لي كيفكر فيه صحيح معقول تكون معجبة بيه.... هو قريب يتأكد من شكوكو لي كتراود في كل مرة كيكون معها......
#يتبع...
بقلم: رباب نجمة☆❣️
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
