🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الثامن والستون🌟
في الأسفل كانوا البنات دايرين حلقة على فتون لي جالسة بكل رقي وأناقة مثبتة ومحصنة...لابسة داك الثوب الاحمر او واضعة شال حمر على شعرها البني الطويل لي مطلوق بإنسياب على كتيفاتها وظهرها..... كيرقصوا وكل وحدة كتبين مهاراتها في الرقص......
على بعد منهم كانت طموبيل سوداء واقفة أمام الڤيلا ومن ديك النافذة الزجاجية السوداء نقدروا لمحوا عينيه السود لي عامرة أسرار ومعاني كلها شر وإنتقام من هاد العائلة المخادعة لي دمرات حياتو وكل مكايملك في الماضي وها هو الأن في الحاضر جا باش يهدم مستقبلهم....."نــاصــر"....
في الشركة كان آرسلان التلمسي مترأس الإجتماع لي كيهم السلعة لي غايتوصلوا بيها بعد 4 أيام وكيخططوا لكيفية توصلهم بيها بلا حتى شي مشكل ويحافظوا على جودتها بعد ذلك...
سالا الإجتماع بعد ساعتين وخرج من غرفة الاجتماعات عيان كيحك في عينيه... فطريقو طلاقا بعمران لي من مدة طويلة ما شافوا ولا جات عينو فعينيه....
قربوا لبعضياتهم وكل واحد ونظرتو للأخر.. عمران لي تغير بزاف صحاح وربى اللحية وزاد وسامة وصرامة وهادشي واضح على ملامحو والتخنزيرة لي ضارب عكس آرسلان لي كيشوف فيه بنظرة تحدي بلا ديك الإبتسامة الماكرة لي على شفتيه.....
نطق بجمود مركز فعينيه السود....
آرسلان: فين هاد الغيبة أ البطل...
رد عليه بنفس النبرة الساخرة والنظرة المبتزة....
عمران: كنت كنوجد ليك مفاجأة متأكد غادي تعجبك.....
هز حاجبو مستغرب ونطق بجمود....
آرسلان: وشنو هي بالسلامة!
ابتسم عمران حتى بان الصف الأمامي من أسنانو البيضاء عاد رد....
عمران: قلتليك مفاجأة غير تسنى عليا.....
نطق بكلامو وغادر من أمامو...سرعان ماتغيرات ملامحهم بجوج... عمران لي ترسمات على شفايفو إبتسامة جانبية ساخرة اما آرسلان تجمدات ملامحو كيفكر في شنو خصو يدير.....عارف خوه مخادع وأكيد موجد ليه شي ضربة قوية....... نطق بخفوت كارز على قبضة يديه.....
آرسلان: اليوم العادة دالعائلة مشات من بالي نهائيا......
وقف بسيارتو أمام الڤيلا ونزل منها بكل رقي... دخل للداخل وقادتو الخادمة للصالة فين مجموعين رجال العائلة.....
دور عينيه بين الحضور حتى لمح عدوه اللذوذ "رئيس الوزراء"......عبد العزيز المنصور....
نطق بصوت مسموع وبنبرة ساخرة....
آرسلان: أووه شوفوا شكون شرفنا سي عبد العزيز المنصور نهار كبير هذا....
ضحك عبد العزيز ونطق بإبتسامة صفرة....
عبد العزيز المنصور: الله يكبر بيك أسي آرسلان....
ضحك بدون ما يتردد نطق بكلامو ذاك....
آرسلان: سمعت عليك بلي مكتفلتش العراضات بحال هادو ولكن دبا تأكدت بلي العراضة والصهير عندك اهم من إجتماع مجلس البرلمان....
ضحكوا الوزراء بسخرية فحين سي عبد العزيز المنصور ضحك حتى هو رغم الإحراج لي كيحس بيه....
عبد العزيز: مايمكنش نفلت عزيمة أشد وزير عرفتو خلال مسيرتي المهنية.....
ابتسم ليه آرسلان وجلس بجنب باباه عثمان..... ونطق فوذنو....
عثمان: فين تعطلتي ؟ العروسة كتسنى فيك....
آرسلان: كانت عندي شي خدمة أنا غانمشي نشوفها....
عثمان حرك ليه راسو بالإيجاب فحين هو توجه للأسفل فين موجودة صالة النساء...كح قبل مايدخل وجات عينيه مباشرة على ديك الفاتنة كيف سماها فور ماشافها.....
قرب أكثر وبقا ساهي فسحر عويناتها حتى نطقات لالة نصيرة بمشاكسة....
لالة نصيرة: عنداك تنسانا اولدي بلي كاينين وماتسيطرش على راسك فأنك دير شي حاجة....
ضحكوا النساء أما هو بلع ريقو بصعوبة مبعد عينيه عليها ومساخيش اما فتون الإحراج كلا قلبها.....
لالة نصيرة: تقدر تقرب من مراتك دبا ونتوما عرفوا شغلكم....
#يتبع.... بأنامل: رباب نجمة 🔥🖤 خلي لايك وكمنت وتبثي حضورك وإعجابك بالقصة من خلال إشهاراتك ❤💎
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
