حبك أضاء ظلامي: فاتنة آرسلان من رواية قيامة تنهار

|43|

🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱

بقلم: رباب_نجمة☆

الفصل الثاني: جحيم عشقك لا يطاق🔥

       🌟الجزء الثالث والأربعون🌟

صدرات تأوه خفيف من ثغرها معلن عن إستسلامها ليه خلاه يبتاسم بإنتصار دافعها على السرير ومخلي جسمها النحيل عاري تماما تحتو مستمتع بملمسو الناعم.....

بعد___مرور__ساعات.....💔💥

متسطحة على السرير يديها مرخية بدون حركة كترعد وأنفاسها كتضرب بحرارة.... عينيها الزرقين مفتوحين ورموشها فازكة بالدموع.....الدمعة واقفة في طرف عينيها...يابسة في مكانها ومدهوشة!!!!!!

قلبها كيضرب والسخانة واكلة راسها ومحررة عينيها بحال حكيتي الحارة القاطعة عليهم..... كتذكر شنو قال دغيا تقلب وعليه هانت!!

"هادشي غلط"......"نساي شنو وقع"....."أشنو هادشي درت".....

نطق بهاد الجمل بلاما يراعي لمشاعرها ونفسيتها لي دمرات....كيفاش غاتبلع هاد الصدمة ماشي بهاد السهولة ممكن يتخلى عليها بعد ما خدى أغلى ماعندها.... حتى ديك اللحظات المثالية والحميمية لي كانت بيناتهم كانت غير ردة فعل رجل ضعف امامها وامام قوامها المغري..... حتى شي شعور ماتحرك جيهتها بعد شي لي عاشوه يعني براءة ماقدرات تحرك فيه حتى حاجة....ماقدراتش تفيق إحساسو الميت إتجاهها.....

هبطات ديك الدمعة الحبيسة يتيمة على مر ديك الطريق الطويلة على خدودها المحمرة.....رفعات عينيها فيه هو لي كان عاطيها بظهرو العريض العاري.... مرجع راسو للخلف شاد فيه محمل راسو هاد الغلط وحاس بالذنب جيهتها..... ملامحو وعينيه كانت كلها ندم.....

براءة كتشوف فيه بعيون مدمعة ومفتوحة من إثر الصدمة حاجبيها المرسومة بدقة ملاقية مع بعض بتعابير حزينة ومألمة..... شفايفها المنتفختين والمتورمتين من إثر عضاتو العنيفة.... ماقادراش تحركهم وتنطق رغم انه عندها كلام كثير تقولو لكن مع ذلك ماقادرة تنطق بحتى كلمة..... غير كتشوف فيه بإنكسار وساكتة كتنهد بهدوء...... عاشت سنين عمرها من لما كانت طفلة صغيورة لدبا كتبغيه وغارقة فيه غافلة على انه ممكن يجي النهار لي تعتارف ليه بحبها ويرفضها لكن عمرو جا فبالها هاد الموقف لي هي فيه.... يكونوا جسد واحد وفلحظة ينفصل عليها ويعطيها بظهروا بحال شي عاهرة سالا منها ولاحها بلاما يهتم لأمرها..... أكثر حاجة قهراتها وخلات جرح عميق فقلبها هو ندمو الشديد تمنات لو تشقات الأرض وتبلعها ولا تبان قدامو ويشوف فيها بنظراتو القاتلة...... ولكن من جهتها عمرها غاتسمحليه يشوف فيها بنظرة ندم....حيت ماشي بوحدو غلط حتى هي غلطات وخصهم يتحملو مسؤوليتهم بجوج.......!!

نطقات بعد فترة صمت وبعد تفكير طويييل مغمضة عينيها بألم......
براءة: ندمتي حيت قربتي مني عند بالك وسختي البراءة...لكن الحقيقة نت ملأتي الفراغات لي فقلبي لي كينبض غير بإسمك..... إلا نت قررتي تمشي وتخليني فنص الطريق حتى أنا غادي نختار طريق أخرى نهايتها غاتكون بعيدة بزاف..... الموت أهون ليا.....!!!

ضار بسرعة البرق مقرب منها كيطمن عليها كيحمد الله فسرو..... ونطق بعد طول إنتظار بملامح خالية من أي تعبير ممكن يعطيها أمل.....
عثمان: ماشي ذنبك أبراءة ماشي ذنبك حيت بغيتيني.... مايمكنش نعطيك شي حاجة فوق طاقتي.... نتي قدمتي ليا كلشي الحب والحنان والمواقف الزوينة فحياتي عشتها معاك..... غير معاك!!!! عمرني كرهتك كيف متصورة ولكن (بلع ريقو ونطق ظاغط على نفسو خلى دموعها تهبط بهدوء) ولكن عمرني بغيتك كيف كظني.... عارف بلي ندمتي بحال ندامتي ومستحيل تقدري تسامحني ويمكن تبغي تسمحيلي ولكن متأكد ماشي بسهولة.......

رجعات فاقت على راسها كترمش بتتاقل....عثمان داك الرجل البارد وقاسي القلب رجع من جديد..... من صغرها كتبغيه ولكن عمرها تفوهات بكلمة وحدة!!!! خبات حيها فقلبها وسكتات باش ماتخسروش.... تسنات فرصة ذهبية تجمع بينها وبينو...... لكن فاش جاتها ديك الفرصة ندماتها ندم يبكي الصخر......!!!

#يتبع....... فينكم جماناتي لؤلؤاتي وصحاباتي بانوا نعرفكم كاينات!! ❤♨