🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثالث: دخلت مصيدة الشيطان☠️
🌟الجزء الثاني والثمانون🌟
في السيارة كانت براءة كتبكي وهو سايگ بلا عقل.... توصف أمام ڤيلا صغيرة.... نزل وتسناها حتى نزلات عاد دخلوا بجوج.....
لاح السوارت على المائدة وجلس كيرتاح...جلسات براءة بجنبو وبدات كتبكي...
شاف فيها بإستغراب وقرب منها ميزول يديها من وجها....
عثمان: مال الحبيبة ديالي علاش كتبكي....
بعدات منو ناطقة...
براءة: بعد مني نت سبابي....
شاف فيها بعدم فهم...
عثمان: مالك واش ندمتي....
هزات راسها بالنفي وحضناتو مخشية فيه وهو كيمرر يديه على شعرها بحنان.....
عثمان: حبيبي مالك امم ؟
نطقات قاطعة داك الحبل ديال الأسئلة ويديها كيرجفوا...
براءة: طلعت حاملة بصح......
كان ناصر واقف مبتاسم كيشوف فيها كفاش حادرة راسها بخوف... هادشي لي كيعجبو يشوف ويحس بلي الطرف الأخر خايف وبدون قوة.....
نزل لمستواها واستنشق عبيرها تفكر فتون ورائحتها الفريدة من نوعها وفور مابعد على أمال.... شد خصلة من خصلاتها ونطق....
ناصر: مرحبا بمراتي نورتي دارك....
بعدات منو ماحاملاهش عايفة لمساتو عليها..... تبسم من جديد وبعد عاطيها بالظهر....
ناصر: عندك ربع ساعة وتكوني فغرفتي وإلا عاودتي هاد الحركات غادي تندمي....
خرج من الغرفة مخليها وحيدة حتى دخلات عليها فرقة من البنات كل وحدة وكيف دايرة جبدوا المعدات وبداو كيعاونوها باش تزين.....
كانت غير ربع ساعة حتى سالاو ليها... وقفوا خرجوا وناضت هي كتشوف راسها في المراية بداك الفستان القصير والشفاف....
خرجات من الغرفة وقلبها كيضرب واتجهات لغرفتو ويديها كيرجفو.....
دخلات ودورات عينيها فالمكان حتى لمحاتو عاري الظهر لي عليه وشوم كثيرة.... ماتنكرش بلي وسيم بزاف وجسمو جذاب بلا الكريزما لي عندو ولكن كيخلعها بزاف.....
ضار عندها ونطق بهمس....
ناصر: قربي لعندي.....
خانوها رجليها وماقدراتش تخطي بيهم.... حتى خلعها صوتو لي كان هاد المرة قوي....
ناصر: راني دويت......
#يتبع..... بأنامل: رباب نجمة 🖤🔥
إلى الغد حبيباتي خليو أراؤكم وتوقعاتكم وماتنساوش طاكيو صحاباتكم وتديروا إشهار بغيت القصة توصل لبزاف دالبنات. ❤️🖤
مابقاش بزاف على النهاية 💓
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
