🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء السادس والسبعون🌟
خرجات للشرفة فاتحة الستار مخلية مجال فين يدخل الريح.... لي فور مادخل كيلاعب ثوبها الأسود الرقيق لي لابسة.....!!
سرحات بعينيها لبعيد كتسمع صوت الرجال كيتكلموا لتحت على امور سياسية.... غير دارية بنظرات صقرية متبعاها من التحت... كانت ساهية كتفكر و الهواء ضارب في وجها كيفاجي على الحرقة لي فقلبها... سنها الصغير صعيب يتحمل خطط جوج داللفعات....!!
واقف تقريبا أمامها معلي عينيه كيراقبها ماعباتش بيه ولا بتواجدو... تسأل على السبب لي مخليها تسها.... كتبان ماشي هي هاديك.... ماعرفش شنو يدير غير أنه يهز حجرة صغيرة ويضرب في الحائط لي بجانبها.....
حنات عينيها مستغربة من الموقف حتى لمحاتو واقف ببنيتو الضخمة.... راسم إبتسامة ساحرة على شفايفو... شار ليها باش تنزل....
طارت من تما هابطة لتحت بلاما يشوفها حتى واحد... غير شافتو قدامها طارت عليه بتعنيقة....
ضمها لحضنو كيشم ريحتها المنعشة....باس على شعرها ويدو العريضة على مؤخرة عنقها.... ناطق بهمس...
عثمان: شحال صعيب عليا نشوفك قدامي وماندير والو..... ماكرهتش نقوليهم بلي نتي حبيبتي.....
ابتسم وهي فحضنو كتبوس في كتفو.... ناطقة بمشاكسة...
براءة: أه معلوم باش لالة مليكة تنوض توريني الشغل.... دائما كتقولي بعدي من هاد العائلة لكن انا عاد مكنزيز نتعلق بيك....
بعدوا على بعضياتهم وجرها مبعدين من امام الڤيلا.... غير وصلوا لمور واحد الشجرة وشد بيديها ونظراتوا تركزوا فعويناتها الزرقين.....
عثمان: وشنو لي خلاك تبغي واحد بحالي كبير عليك وماشي النوع لي ممكن يعجب وحدة فسنك....
عبسات من سؤالو ومدات يديها وقرصاتو في كتفو.....
براءة: واش مزال مابغيتي تفهم، القلب هو لي كيختار بلاما يفكر حيت النفس كتميل لمن يدللها وأنا لقيت فيك اي حاجة زوينة خلاتني فرحانة..... نت بالنسبة ليا العالم ومافيه....
باسها من حنكها بوسة طويلة ونطق....
عثمان: حتى كنبغيك وكنموت فالعيون الزورق....
شاف فيه وتكلمات بحسم.....
براءة: عندي ليك واحد الخبر ماعرفتش واش غادي يفرحك او العكس.....
هز حاجبو بإستغراب وعلامات الدهشة بانت على ملامحو الحادة.....
عثمان: شنو كاين أبراءة؟
بلعات ريقها وضغطات على نفسها... هي خصها تقولها ماعندهاش حل واحد اخر....نطقات بهدوء.....
براءة: أنا حاملة......!!
وسع عينيه السود ويديه زيروا على يديها الناعمة هي لي كانت متوقعة هاد الردة فعل منو......
عثمان: واش نتي كتدوي بصح..... ؟
هزات راسها محركاه بالإيجاب ونطقات....
براءة: آه أنا حاملة....
#يتبع..... بأنامل: رباب نجمة 🖤🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
