جالسة على حافة السرير يديها الناعمة مرخية جنبها بدون حركة.... قلبها كيضرب بقوة ومع كل ضربة صدرها المثير كيتهز بارتجاف....عينيها الكبار حادراهم للأرض ورموشها المبللة محنية معها مع اهتزاز خفيف من حين لأخر....ودمعة يتيمة واقفة في طرف عينيها ماساخياش تنزل من دفئ عيونها......
هبطات ديك الدمعة الحبيسة راسمة طريق طويلة على خدها وقبل ماتزيد تتعمق في طريقها هزات يديها الرقيقة كتمسح فيها بعنف........ظلت قارمة وساكتة كتنهد بعمق..............لمة أخرى مع العائلة !! ضروري خصها تضغط على نفسها وتتقبل نظرات الكل ليها.... في كل مرة كتقرر العائلة تجتامع هي كتبقى كتفكر كفاش غادي دوز ديك الليلة.... مكاتبغيش يشوفوها الناس ضعيفة وخا يكونوا هاد الناس عائلتها.... كتكره تحس بالشفقة ديالهم من جيهتها.... كتحس براسها وسطهم بحال الدخيلة.... وحيدة....عصفورة مقصوصة الجناح....... باغا طير وتحلق بعيد عليهم ولكن قدرها محتوم تبقى معهم وتتحمل نظراتهم لي كتحسسها بالضعف.......
🌸في بعض الأحيان تجد نفسك محاصرا بالظلمة و الوحدة فتكتشف ان كل شيء ضاع منك و لن يعود......فراغ كبير يأكل كيانك و كأن الحياة انتهت و انت على قيد الحياة🌸
الحاجة الوحيدة لي كتصبرها هي وجودو معها وخا كلام قليل لي كيجمعها بيه إلا وكيخلي الفراشات ترفرف فبطنها وقلبها يضرب بسعادة كبيرة.... "عمران" بالنسبة ليها هو بلسم لجرحها وكلامو قوة لضعفها.......إعجاب كبير اتجاهو كيغمرها.... وفكل ليلة كتتمنى أن ربي بيه يجمعها.........
هزات عينيها بضيق منين سمعات الباب تفتح كتنتاظر تسمع كلام من عند مقتحم غرفتها......
نطقات بكلامها ورجعات شافت فيها بنظرات شك......قربات منها معنقاها..... وهي كتلمح آثار الدموع على خدودها..... يسرى(بمشاكسة): شو يا لي مزعل حلوتي؟؟
ابتسمت فتون بحب ونطقات.... فتون: كَوْني وحيدة هذا سبب كافي يخليني مقلقة....وصلت لهاد السن ومزال ماتقبلت فكرة أنني عمياء....
تكلمات يسرى بعبوس مركزة نظرها على عينين ختها وكأنها كتشوف فيها.... يسرى: وعلاش ماتواجهيش ضعفك.....مصرة تتحملي هاد الأفكار السلبية لي مسيطرة على عقلك.... كون شفتي جمال وجهك ولون عينيك ماكنتيش غاتكوني فاقدة الثقة فنفسك.....
بعدات عليها وخرجات مخلياها كتفكر فكلامها......
دخلات يسرى لغرفتها وتلاحت على السرير كتبقشش فهاتفها الذكي.... رفعات حاجبها فاش لمحات رسالة من نمرة غريبة في الواتساب...دخلات للصورة البروفايل وهي تبانليها صورة ولد خالتها أيوب.... كانت صورة زوينة ليه..... عضات شنوفتها بحماس وجاوباتو فالحين....
💬"Ayoub ça va, ça fait longtemps matchawfna"
رد عليها فالبلاصة... 💬"لاباس أساطة، هي نطلاقاو اليوم" 💬"غادي تجي مع خالتي ؟" 💬"لا ولكن نقدر نجي إلا نتي بغيتي" رمشات بعويناتها مافاهماش شنو قصد... 💬"آه وخا يلاه نخليك باي"
......سدات الكونيكسيو وناضت كتقلب على كسيوة تلبسها.... طاحت عينيها على كسوة قصيرة فالأخضر لبساتها وشافت راسها كفاش جاتها مزيونة وكيف مبينة مفاتنها بإغراء.....
#يتـ__ـبع... بقلم: رباب نجمة☆❣️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
