🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثالث: دخلت مصيدة الشيطان☠️
🌟الجزء الرابع والثمانون🌟
خارجة من ديك الڤيلا كتمشى بصعوبة... حاسة بالحگرة والإهانة...عمرها حسات بهاد المشاعر حتى عرفاتو.... هو هانها وقلل من شخصيتها ومن كونها انثى....
وقفات وسط الشانطي غايبة عن الوعي وعقلها شارد لبعيد... هي عاشت حياتها بدون أم...بصح باباها ماخلاها محتاجة لحتى حاجة ولكن هي كانت محتاجة غير لماماها... الصدر الحنين لي تحس بيها وتبغيها وتحميها من كلشي.... يمكن كون كانت باقا عايشة ماكانش وقع ليها هادشي كامل.... يمكن ماكانتش دخلات لديك البواط وشافت هاد ناصر لي خلى حياتها تدمر.....
في الڤيلا كانت براءة مخشية فحضن عثمان كتبكي بطفولية ماباغاش تتقبل الفكرة ديال أنها حاملة بصح....
أما هو كان فاتح فوهة فمو مصدوم للمرة الثانية.... هي كانت غير كتكذب وتيقها بحال الحمق.... ولكن طلعات حاملة بصح....
بعدها عليه وشد وجها بين يديه...شافت فيه من بين رموشها....ودموعها مزال نازلين...
عثمان: كدبتي عليا أبراءة!!
دلات شفايفها ناطقة بدلال....
براءة: ماكانش عندي حل أخر وزايدون ماتغوتش عليا لي فيا يكفيني.....
علا حاجبو بإستغراب وعلامات الدهشة على وجهو....
عثمان: وعلاش كتبكي دبا ياك هادشي كنتي عارفة غايوقع... اصلا نتي لي هجمتي عليا حتى نعست معك ودبا جالسة كتبكي....خصك تكوني فرحانة حيت هازة طرف مني....
سكتات من البكا ورجعات كتبكي هاد المرة بوتيرة اعلى من قبل....
براءة: ياك دبا وليتي كتعايرني هئ هئ انا لي هجمت عليك زعما نت مسكين مادرتي والو.... فاش كنتي كتغازلني وكتقولي براءة كنحماق عليك... فين كان عقلك داك الساع.... ولا اللومة غير عليا أنا لي بغيتك....
ضحك على نبرتها الطفولية وخوفها البريئ وجر حنيكاتها الحمرين....
عثمان: فرحتي مضاعفة أبراءة حيت ربحت بنت غزالة بحالك....
جابها بين رجليه وهز الكسوة حتى بانت كريشة ديالها ونطق كيمرر يديه عليها....
عثمان: وحيت غاتجيني بنية كتشبه ليك.....
ضحكات هي الأخرى ناطقة بمشاكسة....
براءة: وخا غايعايروها صحاباتها في المدرسة ويقولوا باباك شارف ولكن ماعليهش.....
بدا كيهرها وهي كضحك بصوت عالي...
عثمان: ياك لحسك....دبا وليت شارف.... أجي جربيني واش شارف (بغمزة) ولا مزال فيا مايخدم على ولادي....
براءة: عثمان ههه حبس عفاك ههه غادي نموت....
وقف وهو فوقها كيشوف في ملامحها الطفولية ونزل بوجهو حتى لحنيكاتها كيقبل فيهم ونطق بهمس....
عثمان: ماقادرش نصبر عليك....
دورات يديها على عنقو ونطقات بغنج...
براءة: حتى أنا ولكن خصك تحتارم الشروط....
ناضت من تحتو كتهبط كسوتها أو وقفات....
براءة: إوا شنو غانوجد لحبيب ديالي..!!
نطق كيمازحها....
عثمان:وجديلي غير راسك أحبيبة....
براءة: ماسخ... انا غانوجد شي حاجة خفيفة وخا....
مشات كتمختر وهو متبعليها العين حاس بفرحة لا توصف وهو مع البنت لي كيبغي وحاملة من الفوق أحسن حاجة قدر يعيشها في حياتو كاملة..... ربي رزقو بجوج نعم....
#يتبع..... بأنامل: رباب نجمة 🖤🔥
تفاعلي وخلي رأيك ازين
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
