🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثالث: دخلت مصيدة الشيطان☠️
🌟الجزء التسعون🌟
وقفات فتون من عليه ونطقات بارتجاف....
فتون: واش ممكن تعاوني نرجع للغرفة حيت جاني النعاس.....
ابتسم جنب مرجع شعرو للوراء وعينيه على عينيها الزرقين لي كيتحركوا بتوتر.....
آرسلان: وخا....
شدها من خصرها وزيدها معاه حتى للغرفة... بقا معها حتى نعسات عاد تكا حداها كيتأمل في تفاصيلها الفاتنة.....
في الصباح الباكر كانوا بجوج في السبيطار فين غاتجري العملية وبعد خمس دقائق كانت مجهزة باش تدخل للعملية.....
باس على راسها قبل مادخل ودعا ليها بالتوفيق والصبر.....جلس على الكرسي في ديك القاعة الكبيرة وقلبو كيضرب بسرعة خايف عليها....زير على قبضة يديه كيتنفس بعمق..... دازت تقريبا خمس ساعات حتى خرج الطبيب.....
اتجه ليه آرسلان والتوتر لي كان فيه قدر يسيطر عليه ونطق بهدوء رغم الخوف لي فالداخل ديالو....
آرسلان: أمضرا أدكتور واش مراتي بخير... العملية نجحات ؟
نزل الطبيب راسو وتنهد بهدوء عاد رجع شاف فيه حاط يديه على كتفو....
الطبيب: مانقدر نقوليك والو دبا...حنا درنا لي علينا ودبا جا دور مراتك..... بعد ما تفيق مراتك غادي تعلمك الممرضة باش تجي تشوفها.... خليتك على خير.....
هز آرسلان راسو بالإيجاب ونساحب من أمام الغرفة..... غادي بإتجاه الحمام..... رش على وجهو الماء كمحاولة منو باش يتهدن.... ورجع خرج فإتجاه الغرفة......
🌹بعد____مرور___ساعتين🌹
كانت فايقة والضمادة على عويناتها الزرقين...كتحرك غير يديها علامة منها أنها فاقت... قربات منها الممرضة ومدات ليها كاس دالما باش تشرب حيت ريقها نشف.... شرباتو فتون فحين نطقات الممرضة الروسية....
الممرضة: على سلامتك ألالة.....
ابتسمت فتون وهي مكتشوف والو قدامها اصلا عينيها مغمضين.....
خرجات الممرضة بإتجاه آرسلان لي كان متكي على الحائط ومرجع راسو للوراء مغمض عينيه بتفكير حتى تكلمات الممرضة وفيقاتو من شرودو.....
الممرضة: على سلامتك أسيدي مراتك راها فاقت.... تقدر تتجه للغرفة 350 لي فالطابق العلوي حنا من دبا شوية غانخرجوها ونجيبوها.....
حرك راسو وانسحب من أمامها.... دخلات الممرضة برفقة ممرضة أخرى وجروا فتون في كرسي متحرك للطابق العلوي بالظبط للغرفة 350....
غير شافها ولمح تعبها حزن عليها قلبو وقرب منها شاد فيديها كيبوسها.... قادوها الممرضات في السرير أو وقفوا كينتاظروا قدوم الطبيب.... أما آرسلان نطق بهدوء.....
آرسلان: كنت خايف عليك بزاف.... واش حاسة براسك بخير ؟
حركات فتون راسها بخجل وهنا تكلم الطبيب لي كان دخل....
الطبيب: مريضتنا فاقت إوا على سلامتك أبنتي.....
جر كرسي وجلس أمامها وقرب كيحيد ليها فالفاصمة بالمساعدة ديال الممرضات.....
الطبيب: ماتحليش عينيك أبنتي حتى نقولها ليك....
حركات راسها بالإيجاب وهو كمل كلامو.....
الطبيب: واش نتي مستعدة أبنتي ؟
بلعات ريقها ونطقات...
فتون: أه مستعدة....
الطبيب: إذن حاولي تفتحي عينيك بجوج.....
استجبات لكلام الطبيب وبدات كتحل عينيها بهدوء والخوف ظاهر على ملامحها البريئة..... قرب آرسلان شاد فيديها بمواساة أما هي كانت كتزير على يديه.....وقلبها كيزدح.....
الطبيب: واش كتشوفي شي حاجة.....
فور مارجعات غمضات عينيها بإنزعاج وخدودها حماروا......
#يتبع......فرحوني بتعاليقكم ودعواتكم ليا ماتنساوش ديروا إشهارات لاعجباتكم الرواية تصبحوا على خير 🔐💜✨
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
