🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الثاني و الأربعون🌟
🌸عودة__للواقع... 🖤
أصوات أنثوية رقيقة وناعمة متحسرة وحزينة وأنفاس حارقة مشتعلة بحال شي سجارة مستعدة تحرق نفسها ولي ضاير بيها...... داخل الغرفة طايحة على ركابيها وجلايل قفطانها مرميين فالأرض وبركة من الدموع مالية عويناتها الزرقاء.... كتشهق وتبكي مقادراش تحبس راسها كثر ومادير والو.....
هزات يديها الصغار كتمسح وجها بعنف.... ندمات حيت ضعفات وبكات..... رجعات شعرها ورا ودنيها وتمشات خارجة من الغرفة متبعة داك الممر الطويل حتى وصلات لغرفتو.... حلاتها دافعة الباب ببطئ وهي مزالة كتشهق..... هزات عويناتها ولمحاتو عاطيها بظهرو العريض الموشوم.....وسعات عينيها بدهشة والإحمرار كتاسح خدودها......وسعات فمها بهول.... ورجعات للوراء مهبطة راسها بخجل..... غير حسات بيه ضار عندها وهي تهز راسها فيه..... مركزة نظرها على عينين الصقرية......
شاف فيها لبرهة مدهوش ونطق...
عثمان: شنو جايا ديري فبيتي ؟! الكلام لي بيناتنا تقال وسالينا أبنت الناس....
غمضات عينيها كتنفس بقوة والتفكير في فكرة أنها تبعد وتخسرو للأبد مزال ماقادرة تقبلها...... ضحكات بالفقصة وقربات منو.....دفعاتو على السرير وعينيها فعينيه مباشرة مترجمة أحاسيسها ومشاعرها الدافئة..... بدات كتدرف الدموع بلاما ترمش كأنها ماباغاش تسمح لنفسها من أنها ترمش وضيع وقت من مشاهدة عينيه الساحرة لكيانها......
شاف فيها بعدم فهم.... هاد المراهقة تخطات الحدود وبدات كتصرف بحماقة..... أكيد حبها مامخليهاش تفكر....."الحب" كلمة ساهلة في النطق ولكن تأثيرها كبير.......
مدات يديها بهدوء مصطنع لحزام قفطانها....حيداتو ورماتو فالأرض....هز راسو من الحزام المرمي فالأرض لعينيها لي كانو سايحين بالكحل.... كتبان بريئة ودافية لكن فعلها هذا كيبين العكس...... نطق بدهشة بكلمات متقطعة وحادة.....
عثمان: نتي.... شنو كاتحاولي ديري.... ؟
حيدات القفطان وشافت فيه كتبتاسم ونطقات بهدوء.....
براءة: غانتزوجوا.... بغيتي ولالا مكايهمنيش.....المهم أنا بغييت....
وسع عينيه أكثر فجسمها المنحوت والممتلئ كانت لابسة غير ملابس داخلية خفيفة...... حيدات الديباردور....بان صدرها واضح بإغراء من تحت دوك الحمالات.......حل فمو مصدوم..... ومتفاجأ من ديك السنسلة المدورة على صدرها....
فحين هي قربات منو حاطة صبعها على فمو كدوزو بشكل دائري..... وتكلمات بهمس....
براءة: ودبا غانتبثوا كلامي.....
تقدمات عندو بوجها ولمعة الشوق فعينيها....ورددت بصوتها الرقيق اسمو لي خلاتو يولي مميز بطريقة نطقها ليه...
براءة: عُثمان....
بلل شفايفو بلسانو وأخيرا قدر ينطق بنبرة متصنعة الإستفهام....
عثمان: براءة....!!
ارتافعوا خدودها بإبتسامة ولمعوا عينيها ببريق مذهل.... زادت ابتاسمات فاش سمعات صوتو وضحكتو الهادئة....
عثمان: نتي حمقة...
نطقات ضاحكة....
براءة: نت لي وصلتيني لهاد الحالة...!!
هز حاجبو ودار شاف جيهة الباب ملي سمع صوت الدقان ومو كتخاطبو يفتح.... ضحك برجولية غير سمع شهقات تلك الفاتنة لي ممسكة بقامجتو.....
ضرب على أنفها بخفة ونطق بهمس....
عثمان: تخافي ماتحشمي....
براءة: أشنو غانديروا دبا....!!
عثمان: تخباي فالحمام أوك...
هزات راسها بالإيجاب ودخلات للحمام....فحين هو حل الباب ودخلات مو بمشيتها المعهودة كتفحص الغرفة ونطقات بشك وهي كتلمح حزام مرمي على الأرض....
جيدان: واش كنتي بوحدك فالبيت....
عثمان: أش هاد السؤال ألواليدة معلوم بوحدي معامن غانكون...؟
جيدان: ودمن داك الحزام النسوي لي مرمي فالأرض......
ضحك ببلاهة كيدوز يدو على عنقو بتوتر.....
عثمان: ماعرفتش غايكون وصل لهنا بالغلط راكي عارفة دبا الدنيا مخلطة.....
تسمع صوت شي حاجة تزدحات فالحمام.....
جيدان: دياباش هاد الصوت....
بغات تمشي حتى وقفها عثمان بصوتو....
عثمان: غايكون غير الريح زدح السرجم.... احم علاش بغيتيني بعدا.....
جيدان: غير جيت نشوفك مهم عييت اليوم بزاف غانمشي نعس.... تصبح على خير.....
عثمان: تصبحي على خير....
خرجات جيدان وقفل من موراها الباب فحين خرجات براءة كتبتاسم......
عثمان: كنتي غاتخرجي علينا....
حدرات عينيها وهزات كتافها بلا مبالاة....
براءة: هنن أنا مكايهمني حتى واحد....
هز ليها راسها باش تقابل عينيها مع عينيه ونطق بدفئ بورش لحمها....
عثمان: ولكن أنا خايف عليك أبنتي .....
حسات بديك بنتي عندها معنى أخر وفرحات بزاف من ديك كمية المشاعر لي حساتها بيناتهم..... وقربات بوجها وهو كذلك قرب قابل يبادلها القبلة... "قبلة الحب"......
#يتبع...... يلاه لي قرات تخلي كومونطير زوين ودير إشهار للقصة ❤️
#يتبع..
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
