حبك أضاء ظلامي: فاتنة آرسلان من رواية قيامة تنهار

|49|

🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱

بقلم: رباب_نجمة☆

الفصل الثاني: جحيم عشقك لا يطاق🔥

       🌟الجزء التاسع والأربعون🌟

لاياش كيخطط عمران وشنو هو غرضو من هاد الزواج......اسئلة حيرات داك الشخص لي جالس جلسة رجولية واضع يديه اليمنى على أصبع اليد اليسرى وبالضبط على خاتم الخطوبة......

قلبو مرتابط بفتون ماباغيهاش تأثر بزواج عمران وتولي باغا تنهي خطوبتها معاه باش ترجع مع عمران وطلبوا مايتزوجش...... رجع شعرو الأسود الكثيف للوراء وعينيه مضيقين في الأرض مزال كيفكر او وجهو جامد ماعليه حتى علامة كتوضح صدمتو او إستغرابو.....كيعرف يلبس قناع البراءة لي تخليك ثيقي فيه بعينيك مغمضين وكيعرف يلبس كذلك ثوب الجمود والبرود.......

كان كيفكر وساهي في بحر أفكاروا وتوقعاتوا....كما هو الحال بالنسبة لفتون لي حسات كأنها لعبة ماعندها قيمة بين يدين عمران.......حسات براسها غبية وساذجة....... هي فالوقت لي كانت كتتمنى تكون معاه وفجنبو هو مكانش مبالي بيها ولا على بالو بمشاعرها الرقيقة.... بل كان مشغول بالتفكير فشريكة حياتو.........زادت تأكدات بلي هي خدات القرار الصحيح فاش قبلات تتزوج من آرسلان... هو الوحيد لي لقات معاه الأمان و الدفئ والإهتمام لي كانت مفتاقداه...... هو الوحيد لي كان المنقذ ديالها و الكتاب لي عجبها عنوانو وبغات تقراه وتيه بين صفحاتو بغات تركز مع كل تفصيل فيه........

وقفات كتعافر مع مشاعرها....ضغطات على نفسها وابتسمات فوق من خاطرها.... إبتسامة مزيفة ونطقات بحرقة....
فتون: مبروك عليه الله يسر ليه فزواجو....

كان كلشي مستغرب من ردها....قدرات مدام جيدان تفسر بلي هاد الشقية قلبها مزال متعلق بداك الحفيد المخادع لي وخا كان معجب بيها إلا أنه كان زهواني وزير النساء...... أما نصيرة حسات بوخز جهة قلبها....بنتها كتعذب لكن هي قادرة تواجه الأمر.....مدام معها آرسلان فهي مطمئنة من هاد الناحية...... لكن مزال متعجبة من الموضوع..... عاد كان عمران حالتو حالها بسباب الخطوبة وكان مستاعد يدير المستحيل باش يخرب هاد الزواج.... شنو لي تبدل دبا ؟ واش فعلا نسا فتون وقرر يكمل طريقو ويفتح كتاب جديد ولا عندو شي مبتغى أخر.........

تمشات فتون خارجة من الصالة وقلبها كيضرب بوتيرة سريعة......دخلات لغرفتها وبلاما تشعل الضوء حيت مايحتاجش.....اتجهات نيشان للشرفة كتستنشق بعمق داك الهواء البارد على أمل تبرد الحرقة لي فقلبها وتتهنى من هاد الشعور المتعب...... خيبة أمل!! حرمان!!......!!.....روحها محرومة!!..... محتاجة لروح نقية تخليها تعيش نمط جديد ومختلف.... بغات لي يشد بيديها ويطيرها في السما بغات تعيش حياة أخرى..... هاد الحياة هادي ماشي ديالها...... بغات تعيش حياة ملونة.... أصفر....زهري.... أبيض..... أخضر..... أزرق.... ألوان تمنات لو عرفات كيف غايكونوا.... اللون الوحيد لي عارفاه هو الأسود....وكيف لا وهو لون حياتها...🖤

#يتبع......فينكم الكبيدات ❤💎