🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء التاسع والثلاثون🌟
إنّ في حضور عيناك تتلاشى الوجوه فلا أبصر سواك.
أهات مسموعة بقوة فديك الغرفة ....اصلا شكون غايسمعهم والضجيج مالي الڤيلا..... كان أيوب كيقبل فيها بعنف ويديه كيتساراو على جسمها الأسمر الناعم.....
أيوب: لدين مك مابغيتيش توبي... عقلك حجرة وقيلة....
يسرى: بعد بعد عفاك آه... غادي يشوفنا شي حد....
أيوب: غير نكون أنا معاك مابغيتكش تخافي... مفهوم وزايدون مكاين لي يسمعنا ولا يشوفنا غير رتاحي أحبيبة....
يسرى: دبا شنو واش مغاتهداش ماخليتي فين حطيتي يديك بقالك غير... (سكتات) پببف نت كتخلي لواحد يقول كلام خايب....
أيوب: ياك ازيني وخا... نخليك على راحتك ونمشي عند لي تنسيني....
بعد منها مخليها فصدمة دغيا جراتو من يديه ورجعاتو لحضنها...
يسرى: واش حماقيتي فين غادي؟ أنا غير ضحكت معك...دغيا بغيتي تمشي وتخليني ولكن نت لي مكتحشمش داخل عليا وانا كنبدل حوايجي...
أيوب: علاش ماشي نتي لي مخلياني كنتسنى فيك بحال الحمق ونتي ماعلابالكش.....
يسرى: صافي سوري بيبي....
أيوب: أحح عاوديها...
يسرى: بيبي هه..
أيوب: إوا أري لحبيبك شي بوسة.....
قربات على نيتها باغا تبوسو فخدو حتى جرها خاشي فمها ففمو بقبلة جامحة.....
بعدات منو ماعاجبهاش الحال....
يسرى: عندمن كنتي باغي تمشي هنن..
أيوب: مانقدر نمشي عند تاوحدة من غيرك.... نتي هي العمر غير هني بالك....
يسرى: أيوب أنا........
🌺خارجة كتجري لابسة فستان أسود قصير مبين تفاصيل جسمها النحيف وسموريتها الجميلة..... شعرها كيتطاير مع خطواتها المسرعة وصوت كعبها العالي كيتزاد مع كل خطوة كديرها.......
كتجري وتمسح دموعها ماقادراش تستحمل شوفتهم في داك الوضع قلبها ضارها.....قلبها محروق......كيفاش كان كيشوف فيها وكفاش ركب ليها الخاتم كانو خايف على صبعها لا يتهرس.... كفاش هز الطرحة وقبل جبينها..... تصفيقات الحاضرين ومباركة الأهل..... كلشي فرحان إلا هي لي تعيسة......
هند: هئ هئ علاش يا ربي علاش انا بغيتو غير هو....ماعندي زهر فوالو......
في هاد الأثناء كان عمران فسيارتو كيشرب على الله ينسى شوية حتى لمحها غادية بحال شي حورية.... (حوريات العشق ديديكاس ليكم😅).....خرج في اتجاهها وهو كيتمايل بحال الحمق حتى وصل عليها والقرعة فيديه مزال كيشرب منها......
عمران: تسنـــااي....
ضارت فور ماسمعاتو وخرجات عينيها مصدومة من شوفتو فديك الحالة......
هند: عمــرااان.......
عمران:مالك فهاد الحالة.....
ضحكات بهدوء....
هند: على الأقل حالتي حسن من حالتك.....(شدات فيديه العريضة) اجي معايا.....
جراتو مدورة يديه على عنقها وتمشات بيه للسيارة ديالها ركباتو وركبات باتجاه البحر......
خرجات وجلسات على واحد الصخرة مقابلة مع البحر وشعرها كيطير بحرية كيراقص نسمات الهواء......
عاد خرج تابعها وجلس بجنبها ونطق بصوت عيان....
عمران: مزال مانسيتيه من أيام الجامعة أهند ومزال متعلقة بيه وخا مامعبركش.... كلشي على عينيك هو بنا لراسو حياة جديدة.... عندو هادشي عادي يتزوج ويطلق مكايهمو حد.....
تبسمات بسخرية ونطقات معلية حاجبها.....
هند: قلبو عمرو بغاني يعني كنت كنتسنى الفراغ أنا لي مني ديفو عمرو بين ولو ذرة اعجاب ناحيتي اذن نستاهل.....
عمران: ولكن أنا حالة مختالفة فراسك هي كتبغيني.....
خرجات عينيها بتعجب.....
هند: مافهمتش شكون هي؟
بهدوء مصطنع تكلم وهو كيشوف فيها....
عمران: فتوون.....
تصدمات والضحكة خرجات بلا هواها.....
هند: اذن هذا غير زواج مدبر مامنو والو....
عمران: داك الحتالة هو لي خطط لكلشي وكلا لعمي ذماغو حتى وافق.... فتون ملكي أنا...... بوحدي مستحيل نخليها ليه مستحيييييل.......
دام الصمت بيناتهم حتى وقفات وتحنات أمامو ونطقات....
هند: عندي ليك إقتراح.....
هز حاجبو باستفهام....
عمران: شنووو؟
هند: ننتاقمو فسبيل حبنا... فتون ديالك و آرسلان ليا أنا......
شاف فيها مطول عاد رد عليها بحزم....
عمران: مواافق.....
غير لمح دموعها وكفاش نفاجرات كتبكي جرها لحضنو مدور عليها يديه بقوة كيشم فشعرها وهي كتبكي بحرقة......
#يتبع.... فينكم ا لبنات والله تفاعلكم إلا محبط.... بغيت هاد الجزء يضرب اكبر عدد من لي جيم.... ماتخيبونيش..... خليو أراؤكم وتوقعاتكم... لي قرات وماخلات حتى تعليق مانسمحليهاش😶 بغيت نشوف إشهارات على قصتي
بقلم: رباب نجمة❣️
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
