🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء الثامن والأربعون🌟
وصلوا قدام الڤيلا وعينيه كانت عليها هي لي مخلياه مراقبها بلا هواه.....
نطق عاض على شفايفو.....
آرسلان: ياكما عييتي بالطريق....
ضحكات بنعومة والخجل سارق لونها البيض من خدودها مخليهم فاللون الزهري الداكن......
فتون: لا بالعكس كان نهار زوين....
ترددات قبل ماتكمل كلامها لكن إحساسها كان غالب....
فتون: حيت كان معك...... فرحتي ولات مرتابطة بوجودك فجنبي.....
قرب منها ساهي فتفاصيلها وخجلها لي كيجننو ماشعرش ولا حس بنفسو إلا وهو مقبلها جنب فمها باغي يتذوق ولو القليل......
بقا مدة على داك الحال ماتجرأش يخرج لسانو خاصة وهو حاس بيها كترجف بيه يديه.... بعد منها مساخيش بملمسها الرطب والناعم..... وضمها لصدرو العريض مخبيها بقوة وراحة فريدة من نوعها مالية قلبو وقلبها........ناسي مخططاتو ومستمتع باللحظة لي كتجمعهم.......
نطق بخفوت: نتي افتون وليتي محسوبة عليا وقطعة مني مستحيل نفرط فيك.... حياتك مربوطة بحياتي إلا فكرتي ولو للحظة تبعدي مني مغانخليكش.... مستحيل نخليك......
توسعات إبتسامتها ودقات قلبها تسارعوا ومدات يديها ضاماه بدورها والحب والعشق لامعين فعينيها...... ونطقات....
فتون: أصلا مانقدرش نبعد نهار على نهار كنزيد نغرق فتفاصيل شخصيتك....
بعدات منو غير سمعات تحمحيمة دشي شخص موراهم....
مدام نصيرة: ولادي نتوما هنا علاش مادخلتوش البرد عليكم.....
شاف فيها بحقد ونطق بإبتسامة صفرة.....
آرسلان: معلوم غايكون جدي كيتسنانا على قبل الموضوع لي بغانا فيه.....
#في___الصالة......
كان الكل مجموع كيف العادة إلا واحد يسرى غابر ليها الأثر......
الجد: فين هي بنتي يسرى....
ضحكات نصيرة بهدوء ناطقة....
نصيرة: بايتة مع ختي فدارها.....
هز راسو بالإيجاب وشاف جهة آرسلان لي جلس مقابل معاه.....
الجد: اليوم جمعتكم على ود واحد الخبر مفرح غايكمل مابدى ولدي آرسلان....
هز آرسلان حاجبو بإستغراب كيف هو لحال لجميع أفراد العائلة...... حتى نطق الجد مخلي الصدمة هي سيدة الموقف......
الجد: عمران قرر يتزوج.....
شاف آرسلان في فتون لي ولات حمرة و الصدمة مالية وجها..... كرز على يديه ماعاجبو حال...دائما خالقليه المشاكل....لاياش كيخطط هاد البرهوش ثاني...... غادي يخرب گاع مخططاتو.......
#يتبع..... هادوا أجزاء اليوم إلا بغيتو أكثر من 3 دالاجزاء في النهار خصكم طلعوا التفاعل والاشهارات يكثروا فاش غالاحظ هادشي غانحطليكم بزايد مهم التتمة بعد 50 جيم ماصعيباش ❤💞💎
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
