حبك أضاء ظلامي: فاتنة آرسلان من رواية قيامة تنهار

(✿'هام'✿)

حلات عويناتها بلون البحر ورمشات بشفارها الكثاف لي مزال عليهم أثار الدموع....كيبانوا بحال شي بحر هائج... جلسات على حافة السرير وحطات يديها على عينيها وبدات تتكلم بهمس....

فُتـون: يا الله خليني نشوف من أول وجديد... يا الله رحمني ورحم ضعفي.... خليني نشوف شكلي كيف داير... بغيت نشوف النعم لي دايرين بيا ماشي غير نحس بيهم.....(تنهدات) الحمد لله على كل حال......

وقفات جارة صندالتها فرجليها بإتجاه الحمام لي فغرفتها... أكيد مع الوقت حفظات جميع ممرات هاد الڤيلا... وعارفة فين كتخطي خطاويها..... غسلات وجها ومسحاتو بالفوطة.... ابتاسمات فاش سمعات هاتفها النقال كيصوني برنين حافظاه مزيان وعارفة شكون صاحبه.... تمشات بالزربة اتجاهو وجاوبات فالحين...
📞فتـون: آلو عمران...
***
في🌸مكان🌸أخر...... 👑...
مليكة: يلاه يلاه براكة من الهضرة وزيدي نوجدو ماناكلو.. باش فالليل نمشيو عند ختي نصيرة....
براءة(وسعات عنيها بفرحة): واش بصح أ ماما ؟ غادي يكون حتى سي عثمان؟

طلقات مليكة ديك بطاطة لي هازة فالأرض وهزات فيها عينيها بشك..
مليكة: ونتي مالك فعمك عثمان حتى كتسولي عليه؟

عوجات براءة فمها وتكلمات...
براءة: غير من باب الفضول أماما...
مليكة(جمعات معها بقرصة): ياكما عينك فولدو أديك الفرفارة دوي... ؟
براءة(كتوجع وتحك فخضها): آي أماما قصحتيني يديك سامين... راه غير سولت وصاف...
مليكة: من الأحسن ماتسوليش على ديك العائلة أبنتي...
براءة(هزات يديها ملوحة فالسماء): معلوم، معلوم، علاش شكون أنا بالسلامة!! وحدة بحالي ماتليقش تكون وحدة من عائلة التلمسي..
مليكة(بلا مبالاة): إوا الله يعميها ليك...
**
⚜️ البـرلـمـان الـمـغـربـي المتواجد بمدينة الربـاط {عـاصـمـة الـمـغـرب}⚜️...

نائب رئيس الوزراء: سي آرسلان !! .. كيف جاوك أفكار الوزراء المحترمين...
آرسلان(بسخرية): كيبقاو مجرد أفكار عمرهم يتطبقوا على أرض الواقع....
نائب رئيس الوزراء(بإحراج): هاد الإجتماع كان مهم والأفكار لي تطرحات أكيد غادي ناخدوها بعين الإعتبار باش نحلو قضايا البلاد.....
آرسلان(بحزم): كون كان هاد الاجتماع مهم بصح كيفما قلتي..... كان رئيس الوزراء المحترم حضر وشرفنا بأفكارو حتى هو ماشي يكلفك نت فبلاصتو كيف كل مرة....(ربت(حط يدو) على كتفو وتكلم) على أي خليتك على خير...
نائب رئيس الوزراء: الله يعاونك أسي آرسلان وبلغ سلامي لسي عثمان التلمسي...

هز راسو بالإيجاب ونصرف خارج باتجاه طموبيلتو لي كانت سيارة فخمة من نوع الجاكوار أخر مكاين...... كيتمشى بخطوات متوازنة....
**
وصل لحي راقي د الناس الهاي ..... طلع فالسانسور غافل على أعين عاشقة كترقبو من الفوق..... 
**
زاد وسع ابتسامتو كيقرا فالسطور لي مادحين وسامتو وثباثو وكذلك شخصيتو المعقدة امام الإعلام..... تنهد براحة كيشرب قهوتو بالثقالة وبغرور.... مرتاح حيت هادشي لي كان باغي يتكتب عليه.... دبا هو رجل أعمال ناجح ومابقا والو ويولي رئيس الوزراء لي غايهز بسمعة البلاد و إقتصادها............
جمع الوقفة بثباث بعدما رشف آخر رشفة من فنجان القهوة.... فور ما سمع صوت الدقان فالباب.....تمشى بغرور كيتهز فالمشية.....فتح الباب وشاف بجمود مخسر سيفتو وهو كيلمح فتاة جميلة سمراء راسمة ابتسامة عذبة بلباس قصير وأنيق.....
علا حاجبو ونطق مطول الشوفة فيها....
آرسلان: أش كاين.... ؟؟
**
وصلات لغرفتو دقات جوج دقات ودخلات بعد ما خدات الإذن منو..... لقاتو واقف عريان من الفوق والقليل من الوشوم مزينة ظهرو العريض... كان كيطل من النافذة الزجاجية لي كتعكس البحر الهائج  منظرو ساحر وجذاب وهاز فيديه گارو كايكمي.... تصعقات بالمعقول اول مرة تشوفو عاري الصدر أمامها بعضلاتو المشدودة ولون بشرتو لي الإحمرار خدا حيز كبير منها...بشرة لامعة وملساء ... وسيم لأقصى درجة تقول ماشي هذا لي عندو أكثر من اربعين سنة... وقفتو الرجولية وطريقتو فالكلام كلشي كيجذبها ليه.... ولي صدمها أكثر هو كيكمي ماعمرها ظنات غايكون كيكمي ولا كيستعمل هاد الأشياء....شكلها غافلة على بزاف دالحوايج....متبعة قلبها وماعارفاش بلي ماشي ساهل تدخل لهاد العائلة تحت إسم زوجة عثمان التلمسي... تمتمات بخفوت وهي حالة فوهة فمها بذهول...
براءة: شكون غايتيق بلي أنا طايحة فيك أ الشارف...اكيد غايقولو داخلاك على الطمع وانا مكايهمني من هادشي كامل غير نت... من صغري وانا كنحلم بيك... تعاملك معايا ولطفك خلاني نتعلق بيك....عارفة بلي صعيب نخليك تبغيني ولكن حالفة حتى نكسب قلبك أ عثمان....

قاطعها من شرودها كلامو الهامس لي بورش ذاتها وهز كيانها.... الهمس ديالو شبيه بشي عاصفة كتخربق خيام قلبها.....
عثمان: نعام أ الغزالة!!

هزات عويناتها الزورق فيه ونطقات بارتجاف....
براءة: أنا ءء غير بغيت نن...

الهضرة تلفات وحروفها مشات.. بقات تفتف وتدخل وتخرج فالكلام حتى قرب منها وهي عينيها على عضلاتو وكرشو المطراسية... حسات بالحرارة حتلت جسمها... أش هادشي كيطرا ليها........؟
ابتسم بخفة وهو مركز فعينيها لي ساهيين فجسمو المنحوت...ونطق مقرب منها عاجباه الحشمة لي بانت فخدودها الحميمرين... خجل أول مرة يلمحو عليها...
عثمان: فين لسانك أبنتي؟ براءة لي كنعرف لسانها طويل وكلامها كثير... ماشي معقول تحشمي مني وانا فمقام باك...

رفعات عينيها فيه بالزربة ماحاملاش كلامو....هو مستحيل يكون فمقام باها....هو حبيبها...روحها هو راه الراجل لي كتبغي هذا اش كيخربق عليها... واش هي مكتحرك فيه حتى حاجة كيشوفها مجرد بنت عادية بحالها بحال جميع البنات... لالا وقيلة البنات لوخرين احسن منها بالنسبة ليه...
تكلمات بعصبية ملحوظة....خلاتو غير كيشوف فيها مافاهمش...
براءة: انا ماشي بنتك ونت ماشي بابا...أنا وياك مكتربطنا حتى علاقة لي تخليك تقولي نتي بنتي... أنا بابا مات الله يرحمو ونت ماشي بابا فهمتي أسي عثمان....
**
حط يديه السخان على يديها لي فوق صدرو ونطق...
عثمان: من ديما كنت كنحميك وغانبقا هكاك...(بغمزة) نتي عزيزة عليا كثر ما أنا عزيز عليك......
حسات بروحها غادي تزهق إثر كلامو.... تخيلات راسها فعلا حبيبتو وكيتغزل بيها... الصهدة طلعات معها والفراشات دايرين سباق فكرشها الصغيرة.... وقلبها كيعزف لحن عشق استوطن قلبها من لما كانت بنت صغيرة....
#يتبــ____ـع.... مقتطفات من رواية: قيامة تنهار
الجزء الأول: حبك أضاء ظلامي 🔱فاتنة آرسلان🔱
بقلم أيقونة الدراما: رباب نجمة☆❣️