🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثاني: جحيم عشقك لا يطاق🔥
🌟الجزء السابع والأربعون🌟
ما هي إلا لحظات حتى خرجوا بجوج ماسكين فيد بعضياتهم وعينيها كتلمع بالفرحة... كل مرة كتهرب يديها من بين يديه كتلعب بالخاتم فرحانة بيه وهو كيرجع يشد فيها....
فجأة هز راسو باش يلمحو واقف مع شابة في العشرين من عمرها كيضحك وكيتكلم بتفاخر.....كمل طريقو باش يستوقفو صوتو.....
رئيس الوزراء: سي التلمسي.....
ضار شاف فيه بنظرة خاطفة معلي حاجبو فحين رئيس الوزراء تقدم ناحيتو مبتسم بحال الثعلب وفجنبو ديك الفتاة العشرينية لي أعينها كتلتاهم آرسلان متفحصاه بدقة غير مبالية بديك الفاتنة لي حداه....
نطق ماد يديه لآرسلان.....
رئيس الوزراء: صدفة زوينة هادي لي شفناك فيها أسي التلمسي....
مد يدو مصافحو برقي.... بقات مصمرة فمكانها ديك العشرينية لي ظنات أنه غايسلم عليها تاهي.... زعما ماردش لبال لوجودها ولا كبرياؤو ماخلاهش يشوف..... فستانها القصير والضيق ماتارش إنتباهو.... ولا كان خاصها دير حمرة غامقة باش تيروا أكثر ماعرفاتش السبب.....
تكلم آرسلان بسخرية وعينيه مضيقين فيه...
آرسلان: كان لازم تلتازم بخدمتك باش تشوفني.....
بلع رئيس الوزراء ريقو ماراضيش كان سطل دالما وتكب عليه.... أش هاد الأسلوب الوقح لي كيستعمل آرسلان ضدو..... ضحك كأن شيئاً لم يكن والغصة في قلبو......
رئيس الوزراء: الظروف بعض المرات كتكون أقوى منا.....
رجع ضحك آرسلان ونطق بمشاكسة....
آرسلان: لي ماقادرش على المسؤولية مكاين لاش يتكلف بيها.......
تجمدت ملامح الرئيس لبرهة وقطب جبينو ونطق بجدية.....
رئيس الوزراء: لا عيب عليك تشكك في قدراتي أسي التلمسي وخا غايب ولكن راني مراقب من بعيد......
حسات فتون بلي الوضع ماشي طبيعي وإلا رد عليه آرسلان أكيد غايوليو فشي طاب وشي ماطاب اللهم تنقد الموقف......
حطات يديها على صدر آرسلان معنقاه جنب ونطقات بدلال كتحرك فشفايفها بنعومة.....
فتون: آرسلان ماعرفتينيش على السيد.....
ساطت ديك البنت من نيفها وعوجات فمها بإنزعاج......
استغرب لحالها مامتعودش عليها بهاد الجرأة وحرك عينيه لجهتو ناطق.....
آرسلان: هذا هو رئيس الوزراء سي عبد العزيز المنصور وهادي خطيبتي ومراتي مستقبلا.....
نطق عبد العزيز المنصور بصوت منخفض وبضحكة ثقيلة نطق معجب بيها.....
عبد العزيز المنصور: متشرف بيك أمدام التلمسي.....
هتفت بصوت هادئ ويديها مزال على صدرو وبالظبط جهة قلبو.....
فتون: الشرف ليا أسيدي......
ابتسمت فوجهو وحدرات عينيها أكيد كيحسابلو هي كتشوف وخا الحقيقة غير هادشي هي غير كتحس وقريبة تفقد إحساسها...... هذا لي بنجنبها هو لي مصبرها على هادشي حيت رابطة آملها بيه وماعندهاش شك بلي هو لي غايكون السبب في إبصارها......
نطق آرسلان بهدوء مودعو.....
آرسلان: خليتك على خير ميعادنا نهار الجمعة بإذن الله.......
جر فتون من خصرها وتمشى بيها نحو السيارة ملصقها معاه....
ركبها وركب هو فمكانوا منطالق بسرعة........
#يتبع....... وافينكم البنات بانوا🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
