في مطبخ متوسط كانت حانية على ركابيها في الأرض كتعجن في گصعة متوسطة...كتدلك العجينة بمهارة وإحترافية.... غير سمعات صوت السوارت في الباب دغيا وقفات كتمسح يديها من العجينة في منديل معلق على مقربة منها..... خرجات بسرعة في اتجاه الصالة الكبيرة لمحاتو متسرح على السداري ومغمض عينيه كيرتاح.... غوتات بقوة وبغضب كبير... براءة: ويلي على الضبع داخل بسبرديلتو لصالة الضياف......
شاف فيها بهدوء ناطق بسخرية.... أيوب: إوا عيطي على ضيافك يخرجوني منو.....
تأففات بغضب وقربات منو أكثر كتشوف فيه بغرابة....هز راسو فيها كيرمقها بدورو بنظرات مبهمة..... أيوب: مالك كتشوفي فيا هكا... أش تما؟......
جاوباتو بحدة.... براءة: الهم لي تما.... شتي وماتفرق على البنت يا حتى خبارك يجيبوها اللخرين....
غوت صاعر من هاد التهديد ديالها... مكيحملش لي يقولو اش دير واش ماديرش...الحاجة إلا قالوليه بعد منهل هو عاد ماكيزيد حماسو اتجاهها وتشبتو بيها.... ايوب: شناهوا؟ تحليك الفم أبنت الهم.... شفتي ديك البنت هي لي مغانتفرقش عليها.... هاديك مغاتفرقني عليها غير الموت.... الا كانت جات طيحات عليك جوج دمعات وسباتني فغيبيتي.... هادشي مكايعنيش تجي تهدديني باش نتفرق عليها...
براءة: واش مابقاتش فيك... هاديك ماتصلاحلكش... هي اصلا ماتقدش عليك... وحدة نية وهبيلة وقلبها هشيش كفاش غاتصبر مع واحد فزعي ويديه سابقاه.... اخويا يهديك الله يسرى ماشي ديالك... قلبليك على شي وحدة حرشة يلاه تقاد معاك.....
عينيه ظلامت وقلبو ضرب بغضب ماحاملش يتصنت على التفاهة لي كتنطق بيها ختو... الأمور فوق سيطرتو... واش هو كره يبعد عليها وينساها ولكن ماقادرش يمنع راسو من حبها.....هو رجل إلا بغا كيبغي من قلبو وإلا حط العين على شي حاجة بالخاطر ولا بالزز كتولي ديالو.... هو فعلا فزعي وقلبو قاصح بلا لسانو لي ماضي وخاسر....إلا خسرتي معاه يندمك على النهار لي عرفتيه...ممكن يخليك ليلة كتقلب وتفكر بلا نعاس... وداكشي لي وقع مع يسرى.. ولكن فالحب قلبو كبير وحنين والغيرة هي نقطة ضعفو.... وهي سبابو حتى مد يديه على محبوبة قلبو... ايوب: اوا شفتي اختي على هاد تخسار الهضرة ديك بنت الناس منها نخلاق وإلا ماديتهاش انا بربي حتى نسيفطها عندو.... يا أنا يا الموت...هي تختار....
براءة: قلبك عامر ءء؟ خصك غير علامن تنفاجر.... اوا اسيدي ضبر لمحاينك ولكن غير نسمع بلي درتيليها شي حاجة العائلة كلها غاتسيق الخبار هاني علمتك ونت تعرف..... الا كنتي كتبغيها فرحها وخليها ثيق فيك ماشي تغوت عليها غير مغاتزيد تنفر منك....
غوتات بفزع راجعة بسرعة للمطبخ.... براءة: بقيت مقابلة طاسيلتك حتى نسيت العجينة....
أيوب: اللسان ماضي والدراع گاضي.... فيك غير الفم أ بنت مليكة والحداگة الله يجيب....
#يتـ___ـبع.... غدا غاتفرگع الرمانة وغايتحكم على فتون انها تعيش حياة أخرى وتواجه مصير أخر.....أما براءة غانشوفو واش غاتنجح فأنها تخلي عثمان يميل ليها.... آراؤكم تهمني وجيماتكم تشجيع ليا🔱🍭 بقلم: رباب_نجمة☆❣️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
