🖤حبـك_أضاء_ظـلامـي🖤
🔱فَــاتِــنَــــــــــةُ آرسَــــــــلاَنْ🔱
بقلم: رباب_نجمة☆
الفصل الثالث: دخلت مصيدة الشيطان☠️
🌟الجزء الحادي والثمانون🌟
رفع عثمان عينيه بصدمة وخدو ظهر عليه الإحمرار....بعد صمت طويل كسرو بصوتو الجوهري ناطق.....
عثمان: فين الغلط إلا بغينا بعضياتنا...
زيرات براءة على يديه باش يسكت ونطقات هي فبلاصتو وعينيه فعينين الحاج لي مصدوم من جرأتها....
براءة: حياتي كاملة وأنا كنبغيه خايفة من ردة فعلكم ومستحملة كلشي ولكن دبا جا الوقت لي تستحملوا حبنا شوية... كنبغيك ومستحيل نتفارق معاه....
نطق عثمان وعينيه فعينين باه....
عثمان: قريب توصلكم الدعوة ديال العرس.....
خرج من تما جارها فيديه وصل لأقصى غضب ممكن يوصليه... ركب السيارة وهي بجنبو واضعة يديها على صدرو كتهدن فيه......
أما للداخل كانت لالة مليكة سخفانة وفي نفس الوقت كتحمد الله حيت ولدها أيوب مكاينش أما كون طاحت الروح..... والحاج شاد فقلبو كيتنفس بصعوبة ولالة جيدان غير كتشوف فسكينة مافاهمة والو......
مدات الكاس للحاج ونطقات...
لالة جيدان: حاول على صحتك ألحاج.... أزمة وغاتفوت.....وديك اللفعة ضروري ماتبعد على ولدي....
شافت فيها لالة نصيرة مخنزرة فيها وشدات فيد ختها كتنوضها....
لالة نصيرة: مليكة نوضي أختي ماتخلعينيش عليك....
بدات كتدمع لالة مليكة...
لالة مليكة: فين غاندير وجهي فين وكيف غاندير نشوف فيكم بعد لي وقع... بنت كرشي بهدلاتني قدامكم وخلاتني شوهة وضحكة......
شدات فيديها كتمرر يديها عليها بحنان.....
لالة نصيرة: لواه ماتقوليش هكا ضروري ماغاتقاد الأمور دبا غير حاولي على صحتك.....
أما في الجانب الأخر كانت فتون جالسة كتفكر في صاحبتها شنو غايوقع معاها بعد هادشي... وآرسلان مصدوم على الأخر.....
في المطبخ خرجات الخادمة الهاتف من صايتها القصيرة ودوزات الخط.....
الخادمة: ألو سي ناصر....
ناصر: ياك لاباس؟
الخادمة: وقعات مهزلة في الڤيلا.....
ناصر: شنو وقع؟
الخادمة: سي عثمان وقف فوجه باه وهو شاد من يد براءة بنت نسابو بنت باقة صغيرة بزاف وقال بلي غايتزوج بيها.....
ضحك ناصر ونطق...
ناصر: خبار زوينة هادي.... احم و فتون كيدايرة؟
الخادمة: بحال ديما غير ساكتة وكتفكر...كتبان حزينة....
عبس ملامحو وقطع الخط ماعاجبوش الحال... في الوقت لي دق عليه الخادم وعلمو بلي أمال وصلات... يعني اللعب بدا كيزيان والطوح سخن على قبل.....
#يتبع...... بأنامل: رباب نجمة 🖤🔥
أنت تقرأ
حبك أضاء ظلامي: فاتنة آرسلان من رواية قيامة تنهار
Romanceروايــــــــة: قــــيـــــــامـــة تــــنــــهـــــــار🖤 الجزء الأول: 🖤حـــبــــك أضــــاء ظــــلامــــي🖤 🔱فَــاتِــنَـــــــــةُ آرسَـــــــلاَنْ🔱 بأناملي: 🔥رباب نجمة Rabab Najma🔥☆ سلام حـار لمهوُوسات #الدراما......💓 #ا...
