ပြိုင်ဘက်ကင်း ထောက်လှမ်းရေးစနစ်ပိုင်ရှင်
ဘာသာပြန်သူ - လင်းသော်တာ
အပိုင်း ၂၃၀ (စာစဉ် ၁၆ အပိုင်း ၅)
ကိုယ့်ရဲ့ အဓိကရည်ရွယ်ချက်ကို မမေ့ပါနဲ့
လှေကြီးက ထိုနေရာတွင် နေ့တဝက်ကြာ ကျောက်ချနေခဲ့ပြီး ကျင့်ကြံသူများ၏ ရတနာရှာဖွေသည့် ဧရိယာသည် ကီလိုမီတာ၂၅၀ပတ်လည် ဖြစ်သွားလေပြီ။
သို့သော်လည်း အလွန်နည်းသော ကျင့်ကြံသူများသာ ထိုမျှဝေးဝေး သွားကြ၏။
လှေနှင့် ကီလိုမီတာအနည်းငယ် အကွာအဝေးအတွင်း ရှာဖွေခြင်းက သူတို့အတွက် လုံလောက်နေလေပြီ။
တကယ်ဆို လူတိုင်းက စိတ်သဘောချင်းမတူကြပေ။ တန်ဖိုးကြီးရတနာအချို့ ရရှိရန် မျှော်လင့်ချက်ဖြင့် ကီလိုမီတာများစွာသို့ သွားရောက်ရှာဖွေကြသော ကျင့်ကြံသူများလည်း ရှိပေသည်။
လူတိုင်းက ကိုယ်ပိုင်ရည်ရွယ်ချက်များ ရှိနေသည်ကို မြင်ပြီး ချန်ချန် အသက်ပြင်းပြင်းရှူကာ ထိုသူများကို ကြည့်ရင်း ရတနာရှာဖွေလိုသည့် သူ့ဆန္ဒက မြင့်တက်လာ၏။
"စနစ် ငါ့ပတ်ပတ်လည်က တန်ဖိုးကြီးရတနာတွေ ရှာဖို့ ကီလိုမီတာ၅၀ထောက်လှမ်းခြင်း အခွင့်အရေးတစ်ခုကို သုံးပါ"
ချန်ချန်က ယခုတစ်ကြိမ်တွင် 'တန်ဖိုးကြီး'ဟူသော စကားလုံးကို ထည့်ပြောခဲ့သော်လည်း စနစ်က သူ့ကိူ အဖြေ အခု၅၀ ၆၀လောက် ပေးလာတုန်းပင်။
“….....”
"စိတ်ဝိညာဉ်သန့်စင်ခြင်းအဆင့် ပင်လယ်နတ်ဆိုးရဲ့ အမြုတေ +၁"
"နှစ်၈၀၀,၀၀၀ ပင်လယ်နက်ဝိညာဉ်ဂျင်ဆင်း +၁"
"ပက်လယ်မျက်ရည် +၁"
"အတိဒုက္ခကြောင့် သေသွားတဲ့ အခွံမာပင်လယ်နတ်ဆိုးရဲ့ အကြွင်းအကျန် +၁"
…
နှစ်နာရီကြာပြီးနောက် ချန်ချန်သည် ပင်လယ်အောက်ခြေရှိ နစ်မြှုပ်နေသော လှေတစ်စီးအနီးသို့ ရောက်ရှိလာ၏။
ပျက်စီးနေသော လှေသည် ပင်လယ်ထဲတွင် အချိန်အတော်ကြာ နစ်မြှုပ်နေခဲ့ပြီး အထဲတွင် စိတ်ဝိညာဉ်ဖွဲ့စည်းခြင်းအဆင့် ပင်လယ်နတ်ဆိုးတစ်ကောင် နေထိုင်နေသည်။ တုံ့ဆိုင်းခြင်းမရှိဘဲ ချန်ချန် ၎င်းကို ရိုတ်သတ်ကာ လှေပျက်ကို စတင်ရှာဖွေတော့သည်။
အထဲတွင် အလောင်းများ ရှိနေပြီး သူတို့ဆီမှ သိုလှောင်လက်စွပ်များကို စုဆောင်းလိုက်သည်။
ခရီးတစ်လျှောက်တွင် စုဆောင်းခဲ့သော ရတနာများကို သိုလှောင်စရာရာမရှိတော့သဖြင့် သူ ရွေးချယ်စရာမရှိဘဲ စွန့်ပစ်ထားသော သိုလှောင်လက်စွပ်များကို စုစည်းရတော့၏။ သူ ယူလာသော သိုလှောင်လက်စွပ်အလွတ်များ ကုန်သွားလေပြီ။
သူ ယူလာသော သိုလှောင်လက်စွပ်များ၏ တဝက်သည် ဤနေရာသို့ မလာခင်ကတည်းက ပြည့်နေပြီ ဖြစ်သည်။
أنت تقرأ
ပြိုင်ဘက်ကင်း ထောက်လှမ်းရေးစနစ်ပိုင်ရှင် (ချန်ချန်) 201-300
خيال (فانتازيا)အပိုင်း 201-300
