ICY : Sugar Free Ice Cream

Wrecker - 5

" စွမ်းရည်လင်းက Private Collageမှာတဲ့... "

" ဟင်.. ဆေးကျောင်းမတက်ဘူးလား... "

" အမှတ်မမှီဘူးထင်တယ်... "

" ငါးဘာသာလေ.. မြန်မာစာပဲမပါတာကိုဟယ် နှမြောလိုက်တာ... "

ကျောင်းဖွင့်စကတည်းက ‌မကြားချင်မှအဆုံး ဒီနာမည်ကိုသာ ထပ်ခါတလဲလဲ ကြားနေရသည်။

ပြောနေတဲ့သူနဲ့ ခင်မင်လားဆိုတော့လည်း တစ်ခန်းထဲ သူမရဲ့အနောက်တန်းကခုံမှာ ထိုင်တဲ့သူမို့ မျက်မှန်းတန်းမိယုံသာ။

First Impressionအရတော့ သိပ်လည်းခင်မင်ချင်စရာမကောင်း။ အတော်လေးကြီးကျယ်ပုံရသည်။

နားရွက်ပါတော့လည်း အကုန်ကြားနေရ၏။ အစတုန်းကတော့ အရမ်းတွေ သဲကဲနေတာကြောင့် သူ့ဘဲအကြောင်းပြောနေတာလား ထင်မှတ်မိပေမဲ့ စကားအရတော့ ဘဲလည်းမဟုတ်ပြန်ပါ။ 

သူတို့ရဲ့စကားဝိုင်းကြောင့် အရှေ့ကသူမ ကိုယ်တိုင်ပင် စွမ်းရည်လင်းဆိုသူတစ်ယောက် ဆေးကျောင်းတက်‌ခွင့်မရတာကို မဆီမဆိုင်နဲ့ စိတ်မကောင်းဖြစ်မိသွားသည်။

သူမကတော့ ဆယ်တန်းစာမေးပွဲကို မာရာတို့ ကလာရာတို့ကြည့်ရင်း ဖြေလာခဲ့တဲ့သူ။ နှာခေါင်းသွေးလျှံလောက်အထိ စာကြည့်ခဲ့ဘူးတယ်ဆိုတာ မရှိ၊ စာနဲ့ပတ်သတ်ပြီး ဇွဲကြီးခဲ့ဘူးတာ မရှိခဲ့။

အိမ်ကတော့ ဆရာ၀န်တို့ အင်ဂျင်နီယာတို့ ဖြစ်စေချင်ပုံပေါ်ပါသည်။

နောင်တရလားမေးရင် နောင်တတော့ ရပါသည်။ ‌‌မိဘတွေအတွက်  ဂုဏ်ယူရအောင် လုပ်မပေးနိုင်ခဲ့တာကို စိတ်မကောင်းဖြစ်မိသည်။

" Facebookသုံးတယ်မလား... "

" စွမ်းရည် အစ််မရဲ့accountပဲ တွေ့တယ်... "