ICY : Sugar Free Ice Cream

Apple Pie - 18

" ကိုယ့်ဟာကို လုပ်... "

သူ့လက်ထဲက ရုန်းလိုက်တော့လည်း အတင်းအကြပ်မလုပ်ပဲ လက်ကိုလွှတ်ပေးပြီး ရယ်ကျဲကျဲနဲ့ပဲ မျက်နှာကို Tissueနဲ့ ပွတ်ပစ်နေ၏။

Cleansingလုပ်တယ်ဆိုတာလည်း Stepတွေ ရှိတယ်မလား။ သူက ပြီးပြီးရော ပွတ်ပစ်နေတာ။

" ဘယ်လိုလုပ်ပြောင်မှာလဲ... "

နောက်ထပ်tissueတစ်ရွက်ယူပြီး သေချာသန့်ရှင်းပေးလိုက်သည်။ ရင်တွေခုန်၊ လက်တွေတုန်ယင်နေတာကိုတော့ မေ့ထားလို့မရ။

" အင်္ကျီက ပြောင်ပါပြီ.. ဆူရင်လည်း ဆူချင်စရာပဲ.. တထည်လုံး ညစ်ပတ်နေပြီကို... "

" Nicknameပေးထားတာကို ဘာလို့ပြန်ဖျက်လိုက်တာလဲ... "

" ဟင်... "

မြင်နေရတဲ့မျက်နှာလေးဟာ အနည်းငယ်မကြည်မလင်နဲ့။ သူ မျက်နှာတချက်ညှိုးတာနဲ့ ဒီမှာလည်း ခြေမကိုင်မိ၊ လက်မကိုင်မိဖြစ်ရပြီ။

ဘယ်အကြောင်းကို ပြောချင်တာလဲ ချက်ချင်းသိတာမို့ အမြန်ပဲဖြေရှင်းလိုက်သည်။

" ဟို.. Nicknameပေးချင်ပေမဲ့.. နာမည်ပေါ်နေတာကိုပဲ သဘောကျလို့ပါ.. ပြန်ပြောင်းပေးရမလားဟင်.. အဲ့လိုမျိုးတွေ မကြိုက်မှာလည်း စိုးရိမ်လို့... "

" ကြိုက်တယ်.. ဒါပေမဲ့ မင်းသဘောကျတဲ့အတိုင်းပဲ ထားလိုက်ပါ... "

" စိတ်ဆိုးသွားတာလား... "

" မဆိုးပါဘူး.. အကြောင်းပြချက်ကို သိချင်ယုံသက်သက်ပဲ သိလိုက်ရတော့ ရပြီ.. ကိုယ်လည်း ဖုန်းနံပါတ်တွေဘာတွေမှတ်ရင် နာမည်အပြည့်အစုံပဲ မှတ်ထားတာ... "

" အွန်း... "

Apple Pieလေးရဲ့ ရွှေမျက်နှာတော်ကြည်လင်မှပဲ အသက်ရှုဝတော့သည်။