ICY : Sugar Free Ice Cream

Extra - 5

/ Brother.. ---အသင်းကကောင်က ငါတို့အသင်းကို တကယ်ရောက်လာတာလား /

အမှန်အတိုင်းပြောရရင် သူ,မသိ။ သူ့အသင်းရဲ့အပြောင်းအရွေ့ကိစ္စကလွဲပြီး တခြားအသင်းရဲ့အကြောင်းကို သူသိဖို့လည်းမလိုအပ်။

နည်းစနစ်ပိုင်းအရသုံးသပ်တာတွေ ဘာတွေတို့၊ Analysisလုပ်ဖို့တို့၊ ပြိုင်ဘက်အသင်းအကြောင်း သိထားဖို့တွေပါ သူကအကုန်လုံးသိနေဖို့မလိုဘူးလေ။

ဥက္ကာလိုမျိုး ကိုယ်ဝါသနာပါတဲ့အရာကနေ ဝင်ငွေရအောင်လုပ်တာမျိုး ဆိုရင်တော့ တမျိုးပေါ့။

သို့ပေမဲ့... ကိုထူးသန့်စင်ဖြစ်နေတော့လည်း သတင်းအရင်းအမြစ်တချို့ ရှာဖွေကြည့်ပြီး ပြန်ဖြေပေးလိုက်သည်။

/ Done Deal Bro /

/ ဂျင်းးးးး /

/ 🤷🏻‍♂️ /

/ Btw, Jerseyရပြီ... Thanks /

/ Welcome Bro /

ကိုထူးတစ်ယောက် ဒီကနေသူပို့ပေးလိုက်တဲ့ ဘောလုံးJersey ရပြီဖြစ်ကြောင်း ခုနလေးကပဲ Facebook New Feedထက်မှာ တွေ့ထားပြီးသားဖြစ်သည်။

ဘောလုံးရာသီပြန်စရင် ဒီကိုဘောလုံးပွဲလာကြည့်ဖို့ ဖိတ်ခေါ်ပါသော်လည်း ဘေဘီ့ရဲ့အစ်ကိုဖြစ်သူပီသစွာနဲ့ပဲ ငြင်းဆန်လာ၏။ ဒါကြောင့်ပဲ သူအားပေးတဲ့အသင်းရဲ့ Jerseyသာ လက်ဆောင်အဖြစ်ပို့ပေးဖြစ်၏။

/ မွန်မြတ်ရော... /

/ Parisသွားတယ်ဗျ... မနက်ဖြန်မှပြန်လာမယ်... /

/ တစ်ယောက်ထဲလား? /

/ အလုပ်က ဂျပန်မလေးတွေနဲ့... Burmeseတစ်ယောက်လည်းပါပါတယ်... /

/ အဲ့ကလေးမ... အိမ်ကိုအဆက်အသွယ်မလုပ်တာ တစ်ပတ်လောက်ရှိပြီ... /