ICY : Sugar Free Ice Cream

Hypnotize - 61

" သီတင်းကျွတ်ဆိုတော့ ကိုကို့ကိုရော ကန်တော့ရမလားဟင်.. ငါ့ထက်အသက်ကြီးတာပဲ... "

" ကန်တော့လေ... "

" မုန့်ဖိုးပေးမှာလား... "

" ဘာနဲ့ကန်တော့မှာလဲ... "

" လက်အုပ်ချီပြီးလေ.. ကာယကံ ဝစီကံ မနောကံတို့နဲ့ ပစ်မှားမိတာရှိရင် ခွင့်လွှတ်ပါနော်.. ကာယကံကတော့ မရှိတာသေချာပါတယ်... "

‌လက်အုပ်ချီထားပြီး Laptopတင်ထားတဲ့ စားပွဲခုံနဲ့နဖူးနဲ့ ခပ်မြန်မြန်လေး သုံးကြိမ်သုံးခါ ထိလိုက်သည်။ ရုပ်ကတော့ တည်တည်တံ့တံ့မရှိပဲ ပြောင်စပ်စပ်လေးဖြစ်နေသည်။

ပါးစောင်တဖက်ကို သွားနဲ့ကိုက်ထားပေမယ့် ရယ်ချင်နေတာကို ထိန်းမရပါ။ ကိုကို့ကိုကြည့်လိုက်တော့ ရှက်နေပုံပေါ်ပေမယ့် သဘောတကျနဲ့ ပြုံးနေလေသည်။

" ခွင့်လွှတ်လား.. ဟင်... "

" လိမ္မာတဲ့ကလေးပဲကို.. ကိုယ်က ဘာကိုခွင့်လွှတ်ရမှာလဲ... "

" ပြန်ပြန်ပြောနေတယ်မထင်ဘူးလား.. စကားနားမထောင်ဘူးလေ... "

" မထင်ပါဘူး.. မင်းရဲ့အတွေးနဲ့အမြင်ကို ကိုယ်‌အလေးထားပါတယ်... "

" အခွင့်ကောင်းယူလို့တော့မဖြစ်ဘူးပေါ့နော်... "

" ကိုယ်ပြောပါတယ်ကွာ လိမ္မာတယ်လို့... "

" အဲ့တာဆို မုန့်ဖိုးပေး.. တခြားဟာမလိုချင်ဘူး.. ဘောလုံးပွဲပြီးလို့ အဲ့နားက barမှာ သွားထိုင်တဲ့အခါကျရင် အရမ်းမသောက်ဘူးဆိုတဲ့ ကတိ.. နော် ကိုကို... "

တကယ်တော့ လုံးဝမသောက်ဘူးဆိုတဲ့ ကတိကိုလိုချင်တာ။ အကယ်၍ ယောက်ျားတယောက်ကို ပြုပြင်ပြောင်းလဲလို့ရနိုင်မယ်ဆိုရင်ပေါ့...။

" နော်... "

" အင်း... "

" ကတိနော်.. တကယ်တည်ရမှာ... "

" အင်း မုန့်ဖိုးလည်းပေးမယ်... "

" ကောင်းကောင်းသုံးပါ့မယ်... "

မတ်တပ်ရပ်ကာ လက်နှစ်ဖက်ကို ဝမ်းဗိုက်နားမှာ ယှက်တင်ထားလိုက်ပြီး ကိုးဆယ်ဒီဂရီ ဦးညွှတ်လိုက်သည်။