ညဥ့်နက်လာလေ စကားပြောလို့ပိုကောင်းလာလေဖြစ်သည်။ ရက်အနည်းငယ်လောက်ဝေးကွာနေတာကြောင့်လည်းဖြစ်ပါလိမ့်မည်။
" Tower Bridgeသွားချင်တယ်.. ကိုကိုအချိန်ရရင်လိုက်ပို့ပေးနော်... "
" Tower Bridgeကို မငြီးငွေ့သေးဘူးလား... "
" ငြီးငွေ့အောင် နေ့တိုင်းလာနေတာမှမဟုတ်ပဲ.. သုံးခေါက်လားပဲ ရောက်သေးတာ.. ပြီးတော့ ငါတို့လန်ဒန်ကို ပြန်ပြောင်းလာတာ အခုမှတလတောင်မပြည့်သေးဘူးလေ... "
" Londonကိုပြန်ပြောင်းလာရတာ ဘယ်လိုနေလဲ... "
" ကိုကိုရော ဘယ်လိုနေလဲ... "
" ပျော်ပါတယ်... "
" ပျော်မှာပေါ့.. အရင်လိုဘောလုံးကွင်းထဲပြန်ရောက်ရတော့မယ်စိတ်နဲ့တင် အရမ်းပျော်နေပြီလေ.. ဟုတ်တယ်မလား... "
အခုစကားပြောနေရင်းနဲ့ကို ဟန်မဆောင်နိုင်အောင်ပြုံးပျော်နေလေသည်။ ပွဲစဉ်တိုင်းမဟုတ်တောင် အိမ်ကွင်းပွဲစဉ်တွေကိုတော့ လက်လွှတ်ခံမှာမဟုတ်ပေ။
ပျော်တယ်ဆိုကျေနပ်ပါသည်။
" ဘေဘီရော အဆင်ပြေလား.. အခြေကျနေသလိုဖြစ်မှ ပြန်ပြောင်းရသလိုဖြစ်သွားတယ်... "
" အဆင်ပြေတယ်.. အစကတော့ ငါလည်းအလုပ်ပြန်ရှာရမယ်ဆိုပြီး စိတ်ညစ်သွားတယ်.. ခရီးထွက်လိုက်ရတော့ နောက်ထပ်ခြေလှမ်းပြန်စဖို့ အားရှိသွားပြီ... "
" ဆောရီး.. ကိုယ့်ကြောင့် ခဏတိုင်းအိမ်ပြောင်းနေရတယ်... "
" ဘာမှမဖြစ်ပါဘူး.. အလုပ်ကြောင့်ပဲ.. ပြီးတော့.. ပိုက်ဆံလည်းပိုများလာတယ်လေ... "
ပိုက်ဆံပိုများမလာလည်း ဘာမှမဖြစ်ပါဘူး။ မွန်မြတ်သန့်စင်က သိတတ်လိမ္မာတဲ့ကောင်မလေးပဲကို... ။ ပိုက်ဆံကလည်းအရေးကြီးပေမယ့် ပေးစရာအချိန်ရှားပါးနေတာတော့ မကြိုက်ပါဘူး။
YOU ARE READING
ICY : Sugar Free Ice Cream
Romanceကျနော်တို့ နှစ်ယောက်လုံး မချစ်တတ်ဘူး။ ကိုကိုပြောတာ ဟုတ်တယ်။ သိပ်ချစ်ကြတဲ့ ချစ်သူတွေ မဟုတ်ဘူးနော်။ BOY x GIRL Own creation Burmese Fiction Start - 04.09.2022 End - 11.05.2023 Cover - Pinterest
