ICY : Sugar Free Ice Cream

Alone - 38

Recommend Song
Wish You Were Here - Avril Lavigne

ကိုကိုက လေယာဉ်ပေါ်တက်ကာနီးမှာ အလေးအနက်ထားပြီး မှာကြားသွားတာရှိသည်။

ဘာမှာသွားတာလဲဆိုတော့ လွမ်းလို့ရတယ်၊ အထီးကျန်လို့မရဘူး ဆိုပြီးတော့။ Together we are strongerဆိုပေမဲ့ ကိုယ်အနားမှာရှိနေမပေးနိုင်တဲ့အချိန်တွေမှာလဲ ကိုယ်တို့အတူတူရှ်ိနေသလိုမျိုး strongဖြစ်အောင်နေရမယ် တဲ့။

အဲဒီနေ့တုန်းက ကိုကို့ကို မညှာမတာနဲ့ သိပ်ကိုရက်စက်လွန်းတဲ့လူလို့ မျက်ရည်တွေနဲ့ပြန်ပြောပစ်ခဲ့သည်။ အထီးမကျန်စေရဘူးဆိုတဲ့ ကတိကိုလည်း ငိုရှိုက်ရင်း အင်းလို့ ပြန်ဖြေခဲ့သည်။

ပြန်ဖြေခဲ့ပေမဲ့ အန္တရာယ်ကင်းကင်းနဲ့ အဆင်ပြေချောမွေ့စွာရောက်ပြီဆိုတာ သိရတာနဲ့တစ်ပြိုင်နက် ကိုကို့စကားကို နားမထောင်နိုင်ကြောင်း ရန်တွေ့လိုက်သည်။

ကိုကိုကတော့ သူ့စကားကို အတိအကျနားထောင်မယ်လို့ ယုံကြည်ကြောင်း လောင်းကြေးထပ်လာတော့သည်။

ကိုကိုဟာ စကားလုံးအနုအရွအလှလေးတွေနဲ့ ညှို့ယူဖမ်းစားတတ်သလောက် တစ်ခါတ‌စ်လေမှာ မှန်တာတွေသိပ်ပြောတတ်လွန်းလို့ မကျေမနပ်ဖြစ်ရ၏။

မကျေမနပ်ဖြစ်မိတိုင်းလည်း ကျေနပ်အောင်ပြန်ချော့လေ့တာကြောင့် စိတ်ထဲမှာ မကျေမလည်နဲ့ အစိုင်အခဲဖြစ်နေတာမျိုးမရှိပါ။

ဒါပေမဲ့လည်း ဒီနေ့မှအရမ်းလွမ်းနေရသည်။ အထီးမကျန်နဲ့ပြောထားပေမဲ့ ဘယ်သူနဲ့မှလည်း စကားမပြောချင်သလို လူတွေနဲ့လည်း ရောနှောမနေချင်ပါ။

ကိုကို့ဆီက အနွေးဓာတ်လေးလိုအပ်နေပြီး ပြောပြချင်တာတွေလည်း အများကြီးရှိနေသည်။