မရေမတွက်နိုင်လောက်အောင် Stadium Dateပေါင်းများစွာကို ဖြတ်သန်းခဲ့ဘူးပါသည်။ တကြိမ်တခါလေးမှ ရိုးအီသွားခြင်းမရှိပဲ Stadium Dateကို ကိုကိုရောသူမရောပါ နှစ်သက်သဘောကျကြသည်။
သို့ပေမယ့် အခုလက်ရှိအခြေအနေအရတော့ ဘောလုံးကွင်းထဲကို ခြေမချဖြစ်တာ အချိန်အတိုင်းအတာတခုအထိ ကြာမြင့်နေပြီဖြစ်၏။
ထူးသန့်စင်ပြန်သွားပြီးကတည်းက ဘောလုံးပွဲမသွားကြည့်ဖြစ်သလို၊ နောက်ထပ်နှစ်လအကြာမှာလည်း မြန်မာပြည်ပြန်ဖြစ်ကြပြီး ဒီကိုပြန်ရောက်တော့လည်း မအားလပ်သည်မို့ တော်တော်လေးကြာမြင့်နေပြီဖြစ်လေသည်။
ဒါကြောင့် ညအိပ်ရာဝင်ကာနီးမှာ သတိတရနဲ့ ကိုကို့ကိုစကားစလိုက်သည်။
" ကိုကြီးကပြောတယ်.. စွမ်းရည်လင်းက စကားနည်းတယ်တဲ့... "
" ကိုယ်တက်နိုင်သမျှ စကားများများပြောဖို့ ကြိုးစားတာပါပဲ.. Topicတွေက အရမ်းရှားနေတယ်.. ကူစဉ်းစားပေးမလား... "
" ငါ့အကြောင်းပဲပြောလေ.. ကိုယ်နှစ်သက်သဘောကျတဲ့အရာ.. ဒါမှမဟုတ် ချစ်ရတဲ့လူတယောက်အကြောင်း ပြောရမယ်ဆိုရင်.. စကားတွေလွယ်လွယ်ပြောထွက်မှာပဲ.. ဟုတ်တယ်မလား... "
" အိုကေ..."
" စကားမစပ် ဒီတပတ်စနေနေ့ ဘောလုံးပွဲသွားကြည့်ကြမလား.. ကိုကြီး ပြန်သွားကတည်းက.. အချိန်မရတာနဲ့ မသွားဖြစ်တာတော်တော်ကြာနေပြီ.. သွားမလား ဘယ်လိုလဲ... "
" သွားချင်တဲ့စိတ်ရှိတယ်.. လူကပင်ပန်းနေတော့ စိတ်ပဲရှိပြီးမရောက်ဘူးဖြစ်နေတာ... "
" သွားချင်ရင် မနက်ဖြန်သွားမယ်လေ... "
" လက်မှတ်ရမလားကြည့်လိုက်ဦးမယ်.. ဟိုကောင်တွေကတော့ သွားမှာ... "
" အွန်း... "
သွားချင်နေမှန်းသိတာကြောင့် သိတက်စွာနဲ့ပဲ စကားစပြီး လမ်းရှာပေးရတော့သည်။ ကံကောင်းတာတခုက အမြဲတမ်းတွေးဖြစ်နေသလိုမျိုး ကိုကို့အတွက်လည်း သူမက နံပါတ်တစ်နေရာမှာ ရှိနေပြီး သူမအတွက်လည်း ကိုကိုက နံပါတ်တစ်နေရာမှာ ရှိနေခြင်းပင်ဖြစ်သည်။
ESTÁS LEYENDO
ICY : Sugar Free Ice Cream
Romanceကျနော်တို့ နှစ်ယောက်လုံး မချစ်တက်ဘူး။ ကိုကိုပြောတာ ဟုတ်တယ်။ သိပ်ချစ်ကြတဲ့ ချစ်သူတွေ မဟုတ်ဘူးနော်။ BOY x GIRL Own creation Burmese Fiction Start - 04.09.2022 End - 11.05.2023 Cover - Pinterest
