ICY : Sugar Free Ice Cream

Fool For Love - 59

" စွမ်းရည်လင်းအမေနဲ့ငါနဲ့ စိတ်ချင်းအဆင်မပြေဘူး.. စကားပြောရတာစိတ်တူကိုယ်တူမရှိဘူး... "

" ဘာဖြစ်လို့လဲ... "

" ကိုယ့်သားသမီးကို မျက်နှာလွှဲခဲပစ်လုပ်လွန်းတယ်... "

" မေမေ့ကို ဘယ်လိုပြောလို့လဲ... "

" သားသဘောအတိုင်း သူ့စိတ်တိုင်းကျလုပ်ပေးမှာ.. ကျမက ဘာတစ်ခုမှဝင်မစွက်ဘူးတဲ့... "

ဘာပြန်ပြောရမှန်း မသိတာကြောင့် မနက်စာဖြစ်တဲ့ ကောက်ညှင်းပေါင်းသာ စားနေလိုက်သည်။ အင်း... လန်ဒန်မြို့ကြီးကို ရောက်ရင် မေမေ့လက်ရာတွေကို လွမ်းနေရတော့မှာပဲ။

" ငါလည်း ခေတ်မှီတဲ့အမေပါ.. အရှေ့တိုင်းနဲ့အနောက်တိုင်း ယဉ်ကျေးမှုကွာတယ်ဆိုတာ သိတယ်.. နားလည်ပေးနိုင်အောင်လည်း ကြိုးစားနေတယ်... "

" နေနေတာ နိုင်ငံခြားမဟုတ်ဘူး ပြောရအောင်လည်း ညည်းတို့က နိုင်ငံခြားမှာ နေကြမှာ.. မွန်မြတ်သန့်စင် ပြောနေတာကြားလား... "

အကြော်ယူနေတဲ့ လက်ကိုဖတ်ခနဲ လှမ်းရိုက်တာကြောင့် နှုတ်ခမ်းစူမိ၏။ ကိုကိုနဲ့ဘာမှမပြောရသေးပါဘူးဆိုတာကို၊ ဘာလို့မဖြစ်နိုင်သေးတာတွေ စိတ်ပူပေးနေလည်း နားမလည်တော့ပေ။

" မေမေက သွားနေခိုင်းမှာလားပဲပြော... "

" ငါကမနေခိုင်းရင် ဒီလိုနဲ့ ရောဂါရတော့မှာလေ.. မိဘ‌ဆိုတော့လည်း သေမှာမကြည့်ရက်ဘူး.. ဒီဘဝမှာ မိဘနဲ့သားသမီးရယ်လို့ လာတော်စပ်ရမှတော့ ငါကတော့ တတ်နိုင်သမျှ စိတ်ချမ်းသာရအောင်လုပ်ပေးချင်တာပဲ... "

" မေမေ.. တရားသဘောနဲ့ကြည့်ရင်လေ... "

" အေး ငါက ကိုယ့်ထမင်းကိုယ် စားပြီး သူများအလုပ်တွေ လုပ်နေရတယ်လေ... "