ICY : Sugar Free Ice Cream

Extra - 6

မနက်အိပ်ရာနိုးတာနဲ့ အိပ်ရာထဲကနေပဲ ကိုကို့ဆီ ဖုန်းခေါ်လိုက်သည်။ ကိုကို့ရဲ့Daily Routineကို သိသော်လည်း ဘာလုပ်နေတယ်ဆိုပြီး ပြောပြတာကို နားထောင်ချင်တာကြောင့်။

နှစ်ကြိမ်တိတိ ဖုန်းခေါ်လိုက်ရပြီး သုံးကြိမ်မြောက်မှ ဖုန်းကိုင်သည်မို့ ကိုကိုဟာ အိမ်မက်ကမ္ဘာထဲမှာပဲရှိနေသေးပြီး လူနဲ့စိတ်နဲ့တစ်သားတည်း ဖြစ်ပုံမပေါ်သေးပါ။

" အခုမှနိုးတာလား.. ခြောက်နာရီနှစ်ဆယ်တောင်ရှိနေပြီနော်.. ဒီနေ့လမ်းလျှောက်မသွားဘူးလား... "

" အင်းးး... "

" Breakfastမစားပဲ အလုပ်မသွားနဲ့နော်... "

" အိုကေ... "

Early birdက မနက်ခြောက်နာရီခွဲကာနီးအထိ အိပ်ရာကမနိုးသေးပဲ၊ လေးလံထိုင်းမှိုင်းနေပြီး စကားလေးနှစ်ခွန်းကိုပင် လေးလုံးကွဲအောင်မပြောသည်မို့ စိတ်ထဲဘဝင်မကျဖြစ်မိ၏။

အတူတူရှိနေရဖြင့် မျက်နှာလေးလည်းမြင်ခွင့်ရမည်။ ဘာများဖြစ်နေသလဲ ဂရုစိုက်ပေးလို့ရမည်။ မြတ်နိုးရတော့လည်း အိပ်ရာနိုးစ ရှုပ်ပွနေတဲ့ဆံပင်လေးနဲ့ကိုကိုဟာ သိပ်ကိုအသည်းယားဖို့ကောင်းလိမ့်မည်။

ခဏ...။
ခဏလေးနေပါဦး။

" အခုအဲ့မှာဘယ်နာရီရှိပြီလဲ! "

Sh*t!

ပြင်သစ်ကအင်္ဂလန်ထက် အချိန်တစ်နာရီပိုစောတာမို့ မနက်ငါးနာရီနှစ်ဆယ့်နှစ်မိနစ်ပဲရှ်ိဦးမှာ။

" ငါးနာရီခွဲပဲရှိသေးတယ်... "

" အာ Time Differenceကို မေ့သွားတာပဲ.. ဆောရီး ကိုကို.. နာရီဝက်လောက်အိပ်လိုက်ပါဦးလားဟင်... "

" ရတယ် အခုအိပ်ရာကနိုးသွားပြီ... "

" အင်း ဆောရီး... "