အိမ်တံခါးဝ၊ ဆိုင်တံခါးဝတွေမှာ ချိတ်ဆွဲထားလေ့ရှိတဲ့ ခေါင်းလောင်း၊ ဆည်းလည်းတို့ရဲ့အသံကို သဘောကျနှစ်ခြိုက်သည်။ အိမ်မှာဆိုရင် တမင်တကာကို ခေါင်းနဲ့တိုက်ပြီး အသံမြည်အောင်လုပ်လေ့ရှိသည်။
အခုလည်း တံခါးပွင့်လာတာနဲ့ ချွင်ခနဲအသံလေးက ပျံ့လွင့်လာ၏။ ပွင့်လာတယ်ဆိုတာက တံခါးဖွင့်ပေးသူရှိလို့။
ဆိုင်၀န်ထမ်းတော့ မဟုတ်။
စွမ်းရည်လင်းသာ။
အသားရောင်တီရှပ်နဲ့ ပုဆိုးအကွက်လေးနဲ့ သေသပ်နေတဲ့ အနက်ရောင်ဆံပင်တို့ကြောင့် တစ်နေရာရာက ပြန်လာသလား တွေးမိပေမဲ့ သူက အမြဲတမ်း ဒီလိုပဲ သပ်ရပ်နေတာ။
" နေပူနေတာကို.. ဆောရီး... "
မလိုအပ်ကြောင်း ပြန်မပြောမိ။ မပြောချင်တာမဟုတ်ပဲ သူ့ကိုတွေ့လိုက်ရထဲက လူနဲ့စိတ်နဲ့ လွတ်ထွက်သွားလို့ ပြန်လိုက်ဖမ်းနေရသေးလို့။
ဆိုင်လေးက ချစ်စရာ။ အပင်ငယ်လေးတွေနဲ့ စိမ်းစိုလှပနေပြီး အတွင်းပိုင်းအပြင်အဆင်တွေနဲ့တင် စိတ်ကြည်လင်ရသည်။
" ဘာသောက်မလဲ... "
" အာ... "
" Self-Serviceရတယ်.. မင်းသောက်ချင်တာ ဖျော်ပေးမယ်.. ကျနော်ကိုယ်တိုင်... "
ခြေလှမ်းတွေပင် တုံ့ဆိုင်းသွားရသလို။ အခုမှတွေ့တာ တစ်မိနစ်လောက်တောင် မရှ်ိသေးဘူးလေ။ ဖြည်းဖြည်းချင်းပေါ့။
" Latte... "
" လိုက်ကြည့်မလား.. processကိုလေ.. ကျနော်လည်း မကျွမ်းကျင်ပါဘူး.. ဒီကအစ်ကိုတစ်ယောက်က ကူညီပေးမှာ... "
ခေါင်းညိတ်လိုက်လား၊ ခေါင်းခါမိလား သတိမထားလိုက်မိပေမဲ့ ခြေလှမ်းတွေဟာတော့ သူခေါ်ဆောင်ရာနောက်ကို လိုက်ပါနေပြီဖြစ်သည်။
YOU ARE READING
ICY : Sugar Free Ice Cream
RomanceStart - 04.09.2022 End - 11.05.2023 ကျနော်တို့ နှစ်ယောက်လုံး မချစ်တတ်ဘူး။ ကိုကိုပြောတာ ဟုတ်တယ်။ သိပ်ချစ်ကြတဲ့ ချစ်သူတွေ မဟုတ်ဘူးနော်။ BOY x GIRL Own creation Burmese Fiction Cover - Pinterest
