Dinnerအတွက် Outfitရွေးချယ်နေရင်း ခေါင်းကိုက်လာသည်။ Dressတွေဘာတွေလည်းမဝတ်ချင်။ အိမ်ကနေထည့်လာခဲ့တဲ့ အဆင်ပြေမယ် ထင်ထားခဲ့သမျှ အဝတ်အစားတွေဟာ အကုန်တလွဲ ဖြစ်နေသလိုခံစားရသည်။
" အနက်ရောင်Jacketဝတ်ချင်တယ်... "
" ဝတ်လေ... "
" ကိုကိုကရော... "
" ဆင်တူဝတ်စေချင်လို့လား... "
" မဟုတ်ပါဘူး... "
" အဆင်ပြေတာဝတ်လေ... "
ရှုပ်ပွနေတဲ့ Luggageကိုကြည့်ပြီး အားပေးသလိုပြုံးပြလာသည်။ ကိုကိုက အဝတ်အစား ဝတ်ဆင်တာနဲ့ပတ်ပြီး ဝင်စွက်ဖက်တာမျိုးမရှိ။ ကိုယ့်ရွေးချယ်မှုနဲ့ကိုယ် စိတ်တိုင်းကျ သင့်တော်တာ ရွေးချယ်လို့ရသည်။
အနက်ရောင်ဝတ်ရမလား မေးတယ်ဆိုတာက ကိုကိုက အနက်ရောင်မဝတ်တာကြောင့် လေးစားသမှုနဲ့မေးခြင်းပင်။ အန်တီကိုယ်တိုင်ကလည်း ကိုကို့ရဲ့ အနက်ရောင်မဝတ်ခြင်းအပေါ်မှာ အထူးတလည်မှတ်ချက်မပေးသော်လည်း ဖအေတူသားလို့တော့ ပြောဘူးသည်။
ဘာပဲဖြစ်ဖြစ် နောက်ဆုံးမှာ ကိုကိုက သူမရဲ့ဆုံးဖြတ်ချက်ကိုပဲ လက်ခံပေးမှာဖြစ်ကြောင်း နားလည်ထားပါသည်။
" မိတ်ကပ်လိမ်းဦးမှာ ကြာဦးမှာနော်... "
" တစ်နာရီလောက်လား... "
" လေးဆယ့်ငါးမိနစ်... "
" အိုကေ.. အပြင်မှာစာ အုပ်ဖတ်ရင်းစောင့်နေမယ်... "
" ဟင့်အင်း အခန်းထဲမှာပဲ စောင့်... "
အစတုန်းကတော့ ဘေးနားမှာ ထိုင်ကြည့်နေရင် တစ်မျိုးဖြစ်မယ်ထင်လို့ အပြင်မှာ စောင့်ခိုင်းမလို့ပဲ။ အခုလိုပြောလာတော့လည်း အနားမှာပဲ နေစေချင်သည်။
YOU ARE READING
ICY : Sugar Free Ice Cream
RomanceStart - 04.09.2022 End - 11.05.2023 ကျနော်တို့ နှစ်ယောက်လုံး မချစ်တတ်ဘူး။ ကိုကိုပြောတာ ဟုတ်တယ်။ သိပ်ချစ်ကြတဲ့ ချစ်သူတွေ မဟုတ်ဘူးနော်။ BOY x GIRL Own creation Burmese Fiction Cover - Pinterest
