ICY : Sugar Free Ice Cream

Dopamine - 63

UKမသွားခင်၊ မိသားစုလိုက် Vacationအနေနဲ့ Vietnamကို သွားဖို့ စီစဉ်ထားသည်။ ကိုကို့ကိုပြောပြတော့ သူလည်းJoinချင်တယ်၊ အန်တီနဲ့စကား‌ပြောလို့ရမလား မေးလာ၏။

စကားပြောနေရင်းမှပဲ ရုတ်တရက်ကြီး မေမေတို့ကို မွန်မြတ်နဲ့စေ့စပ်ထားချင်ပါတယ် ခွင့်တောင်းလာသည်။ နဂိုကတည်းက အမေနှစ်ယောက်ဟာ စေ့စပ်ထားစေချင်သည်။

မေမေ့စကားအရ ကိုကို့မေမေက သင်္ကြန်ပြီးကတည်းက စေ့စပ်ထားစေချင်ပါတယ်တဲ့။ ကာယကံရှင်နှစ်ယောက်လုံးဆီက မတိုင်ပင်ရသေးပါဘူးဆိုတဲ့ စကားကြောင့်သာ သူ့သားသဘောအတိုင်းလုပ်ပေးမယ်ဆိုလာတာပါပဲ။

ဆိုလိုတဲ့သဘောကတော့ သူ့သားသူ မပိုင်နိုင်တာကြောင့် သူ့သဘောအတိုင်း မစီစဉ်ရဲခြင်း။ အခုလို ကိုကို့ဘက်က စေ့စပ်ထားချင်ပါတယ်ပြောလာတော့ တက်ကြွစွာနဲ့ပဲ အဝတ်အစားတွေ စီစဉ်တော့သည်။

လူကြီးတွေဘက်က အဆင်ပြေချောမွေ့ပြန်တော့လည်း ကြိုတင်မတိုင်ပင်ပဲ လူကြီးတွေကို ပြောတဲ့အတွက် ကိုကို့ကို စိတ်ကောက်သည်။ ဒါဟာ မစေ့စပ်ချင်လို့မဟုတ်ပဲ ကောက်ချင်ယုံသက်သက်ဖြစ်ကြောင်း ဖြေရှင်းပြီးချိန်မှာတော့ ကိုကိုက တမျိုးနှောက်ပြန်သည်။

မေမေက ခဏပြန်လာခဲ့ပြီး စေ့စပ်ပွဲလုပ်မလားဆိုတော့လည်း သူပြန်လာဖို့ အချိန်မရလို့ပါ။ Vietnamမှာ ရှိနေမယ့်ရက်ဆိုရင် အချိန်ရတာမို့ အဲ့မှာပဲ ပွဲကျင်းပပြီး Londonကို တခါတည်းသွားမယ် ပြောလာသည်။

ဒါကြောင့် စေ့စပ်ပွဲကို နှစ်ဖက်မိဘအသိုင်းအဝိုင်းနဲ့ပဲ Vietnamမှာ ကျင်းပမည်။ သူငယ်ချင်းတွေလည်း လိုက်နိုင်အောင် စီစဉ်ပေးရပြီး သူ့သူငယ်ချင်းတွေလည်း ပါလာမည်။

ကိုကိုနဲ့လည်း အဲ့ရောက်မှတွေ့ပြီး ပွဲလုပ်ဖို့စီစဉ်ထားပြီးသားကို သတ်မှတ်ရက်ထက် တပတ်ကြိုပြီး ရောက်တာကြောင့် စိတ်ကောက်နေတာ။

ပြောတော့ အချိန်မရပါဘူးဆိုပြီး ပြန်ရောက်လာတာကို စိတ်မကောက်ပဲနေပါ့မလား။ ‌ပြောပြန်ရင်လည်း မွန်မြတ်သန့်စင်အလွန်ပဲ ဖြစ်ဦးမည်လေ။