ICY : Sugar Free Ice Cream

Unconditionally - 55

Stadiumထဲကို ရောက်ရှိနေတဲ့အကြောင်း အိမ်ကအစ်ကိုဖြစ်သူကို လှမ်းကြွားချင်တာကြောင့် Video Callခေါ်လိုက်သည်။

ကိုယ့်အစ်ကိုရယ်လို့ ချစ်ဖို့ကောင်းလောက်အောင်ပဲ ညီမလေးဘက်က ကိုကြီးလို့ခေါ်လိုက်တာနဲ့တစ်ပြိုင်နက် အိပ်နေပြီဆိုကာ နောက်ထပ်မခေါ်ဖို့ မျက်နှာဆိုးကြီးနဲ့ပြန်ပြောလာတော့သည်။

ဒီလောက်နဲ့တော့ လက်မလျော့နိုင်ပါ။ တစ်နည်းမရရင် နောက်ထပ်တစ်နည်းကြံစည်ရမည်။

" ကိုကို.. ကိုကြီးနဲ့ messengerမှာ စကားပြောဖြစ်လား.. အဆက်အသွယ်ရှိလား... "

" ကိုယ် storyမှာ ဘောလုံးကွင်းထဲရောက်နေတဲ့အကြောင်းတင်ရင် စကားလာပြောတယ်.. အမြဲတမ်းတော့မဟုတ်ပါဘူး... "

" အခုရော storyမတင်ဘူးလား... "

" မင်းက ကိုယ့်ဘေးမှာလေကွာ... "

ခပ်ငိုက်ငိုက်စောင်းထားတဲ့ Capဦးထုပ်ကို အပေါ်ပင့်တင့်ကာ မျက်လုံးချင်းအကြည့်ချင်းဆုံပြီး ခပ်တည်တည်နဲ့ ပြောလာသည်။

အင်း... ဘာဆိုင်လို့လည်းမေးချင်ပေမဲ့ နောက်တစ်ခေါက် ပြန်စဉ်းစားကြည့်မိတော့ ဆိုင်တော့လည်း ဆိုင်သလိုလိုပါပဲလေ။

" အခုလည်း storyမတင်ဘူးလား.. တင်လိုက်ပါလား... "

" ဘေဘီ့ဓာတ်ပုံတင်ရမှာလား.. ခုနတုန်းကရိုက်ထားတဲ့ပုံတွေထဲက... "

" အွန်း... "

" Publicနဲ့... "

" Ok... "

လူကြီးမိဘတွေပါ သိကျွမ်းနေကြပြီဖြစ်တဲ့ ဆက်ဆံရေးဖြစ်သော်လည်း မျက်စိနောက်အောင်တော့ မနေရဲပါ။ ဒီနေ့တစ်ရက်တော့ ‌ခြွင်းချက်ပေးလိုက်မည်။ သူများကိုစချင်နောက်ချင်စိတ်က ပိုများနေသည်မို့။