ICY : Sugar Free Ice Cream

Stranger - 6

JLPTဖောင်ထပ်ဖို့ တန်းစီနေရင်းပဲ အရမ်းကို ပူအိုက်လာရပြီး စိတ်တွေပါရှုပ်လာသည်။ လူတွေကလဲအများကြီး။

အထပ်အခါအခါ သတိထားနေတဲ့ကြားထဲက (7)ရေးတာကို အလယ်က မျဉ်းတိုလေးခြစ်မိသွား၏။ (Z)လည်းအတူတူပင်။

ဖောင်ဖြည့်နည်းတွေ ကြိုတင်လေ့လာထားပြီး အမှားကင်းရအောင် ပြင်ဆင်ထားတာကို ခြောက်ပစ်ကင်း သဲလဲမစင်ခဲ့တာကို မကျေနပ်ပါ။

ဘာမှမဖြစ်ဘူးပြောကြပေမဲ့ ကိုယ့်ကိုယ်ကိုယ် စိတ်တိုရ၏။ ဖောင်အသစ်၀ယ်ဖို့သာ လွယ်ကူရင် အသစ်၀ယ်ပြီး ပြန်ဖြည့်ချင်သည်။ ဒါပေမဲ့ ၀ယ်လို့ရရင်တောင် ဈေးကမြှောက်တက်နေဦးမည်။

အစကတော့ ဖောင်တင်ပြီးတာနဲ့ အိမ်ပြန်မယ်စိတ်ကူးထားပေမယ့် ပူအိုက်ရတာကြောင့် Oceanထဲ ခဏ၀င်ဖို့ စိတ်ကူးလိုက်သည်။ အဆောက်အအုံထဲ ရောက်သွားတာနဲ့ အေးမြတဲ့ခံစားချက်ကြောင့် ကျေနပ်မိသွား၏။

အချိန်တစ်နာရီနီးပါးကို Window Shoppingလုပ်ရင်း ကုန်ဆုံးစေလိုက်ပြီး ပြန်ကာနီးမှ နာနတ်ရေခဲချောင်း၀ယ်လိုက်သည်။

ဆိုင်ကယ်အပ်တဲ့နေရာ ရောက်သည်အထိ စားလို့မကုန်သေးတာကြောင့် ဆိုင်ကယ်ပေါ်မှာပဲ ထိုင်စားနေစဉ်မှာပဲ ဘေးနားကို စူပါကပ်ဆိုင်ကယ်နဲ့ ကောင်လေးနှစ်ယောက်ရောက်လာသည်။

ဘာလို့မှန်းမသိလိုက်ကြည့်မိသွားသည်။ ဆိုင်ကယ်သုံးစီးလောက် ခြားနေပေမဲ့ မျက်စိရှေ့တည့်တည်ကို ရောက်လာတာဆိုတော့ မကြည့်လို့လည်းမရ။

ဆိုင်ကယ်မောင်းတဲ့ ကောင်လေးက ညီဖြစ်သူရဲ့ ဆိုင်ကယ်ဦးထုပ်ကို ချွတ်ပေးနေသည်။ အငယ်လေးက တော်တော်လေး ငိုထားပုံလည်း ပေါ်သည်။