ICY : Sugar Free Ice Cream

Warm And Cozy - 31

" ကိုကို.. အင်္ဂလန်ဆိုမှလေ.. ဘုဏ်းသန့်က အင်္ဂလန်အရမ်းသွားချင်တာနော်.. ဘောလုံးပွဲကြည့်ချင်လို့ဆို... "

" အင်းးး "

" သွားကြည့်ကြမှာလား.. သွားဖြစ်ရင် သုံးယောက်အတူတူသွားကြမှာမလား... "

ကိုကို့ရင်ခွင်ကို မှီထားရာကနေ ခွာလိုက်ပြီး မျက်နှာချင်းဆိုင်ကာ လက်ချောင်းတို့ယှက်နွယ် ထားရင်း ကိုကိုဝတ်ထားတဲ့ Boneless Jacketရဲ့ Bဆိုတဲ့နေရာကိုသာ ကြည့်ရင်းမေးလိုက်သည်။

တကယ်တော့ အစဖော်လိုက်ရင် ဖြစ်ပျက်သွားမယ့် ကိုကို့ရဲ့ မျက်နှာအမူအရာကို စောင့်ကြည့်ချင်ခဲ့တာ။ မှင်သေသေနဲ့ပဲ ဆက်ပြီးလျှို့ဝှက်ထားဦးမှာလား သိချင်ခဲ့တာ။

ဒီနေ့တော့ ဆက်ပြီးလျှို့ဝှက်မထားတော့ဖို့ မျှော်လင့်ပါသည်။ ဒီလိုနဲ့ ရက်တွေမကြာရှည်ချင်တော့ပါဘူး။

" ကိုယ်.. ကိုယ့်မှာ အဲ့ကိစ္စနဲ့ပတ်သတ်ပြီး ပြောစရာရှ်ိတယ်... "

" အွန်း.. ဘာနဲ့ပတ်သတ်ပြီးလဲ.. "

ကြိုးစားပြီး ရယ်သံစွက်စကားပြောလိုက်ပေမဲ့ မရယ်ရတာ ကိုယ်ကိုယ်တိုင်သာ အသိဆုံး။ ကိုကို့မျက်နှာကိုလည်း သေချာမကြည့်ရဲ။

" ကိုယ်.. Master's Degreeအတွက်.. ကျောင်းဆက်တက်ဖို့စီစဉ်‌နေတယ်... "

ရုပ်ရှင်ဇာတ်ဝင်ခန်းတစ်ခန်းသာ ဖြစ်ခဲ့မယ်ဆိုရင် လွမ်းဆွေးစရာကောင်းတဲ့ Background Musicက ထွက်ပေါ်လာမည်။ Webtoonတစ်ပုဒ်ဆိုရင်လည်း တစ်ယောက်ထဲ မှောင်မိုက်သွားပြီး မိုးတွေရွာလာတာပဲဖြစ်ဖြစ်။

လက်တွေ့ဘဝက မွန်မြတ်သန့်စင်ကတော့ ဟန်ဆောင်ကောင်းနေသေးသည်။