ICY : Sugar Free Ice Cream

Unexceptional - 49

လွန်ခဲ့တဲ့နှစ်ရက်ထဲက တိတ်ဆိတ်ငြိမ်သက်နေတဲ့ အခန်းငယ်လေးတစ်ခုရှိသည်။ ဘာအခန်းလည်းဆိုတော့ စကားပြောခန်း။ အရမ်းကို သက်ဝင်လှုပ်ရှားမှုမရှ်ိတာကြောင့် Apple Pieဆိုတဲ့ Nicknameကို ဖျက်လိုက်ပြီး Rotten Appleဆိုပြီးပြောင်းလိုက်၏။

Audio, Video, Profileဆိုတဲ့ သုံးခုထဲက Profileကို နှိပ်လိုက်တော့လဲ Aerospaceနဲ့ပတ်သတ်တဲ့ ပိုစ့်နဲ့ ဘောလုံးနဲ့ပတ်သတ်တဲ့ပိုစ့်တွေသာ တွေ့ရသည်။

ဒါပေမဲ့ တွေးရင်းတွေးရင်း ဘာကို‌ဝမ်းနည်းလို့ ဝမ်းနည်းလာမှန်းမသိ။ Onlineဖြစ်နေရက်သားနဲ့ ကိုကိုကလဲ နေနိုင်လွန်းသည်။ ကိုယ်ကိုတိုင်ကလည်း စကားစမပြောမှတော့ ကိုကိုက ဘာလို့လဲ မေးခွန်းမထုတ်ချင်ပါ။

Active Nowဖြစ်နေတာကို ဒီအတိုင်းထိုင်ကြည့်မနေနိုင်တာကြောင့် Rotten Appleကိုဖျက်လိုက်ကာ Swanရဲ့ ဘေးနားက ငန်းပုံလေးပါထည့်ပြီး နောက်ထပ်တကြိမ် Nicknameပြောင်းလိုက်သည်။

ချက်ချင်းပဲ Typingရိုက်နေတဲ့ အစက်လေးသုံးစက်ပေါ်လာသည်။ ရင်ခုန်စွာစောင့်မျှော်‌နေသော်လည်း ပေါ်လိုက်ပျောက်လိုက်နဲ့ပဲ ဆယ်မိနစ်ကြာတဲ့အထိ ဘာမှဆက်ဖြစ်မလာပါ။

ကလေးဆန်ဆန်နဲ့ Attentionရအောင် လုပ်နေမှန်း သူလည်းမရိပ်မိစရာအကြောင်းမရှ်ိ။ သိနေလို့ပဲ တမင်တကာ လျစ်လျူရှုထားတာလည်းဖြစ်လိမ့်မည်။

ဖုန်းကိုကိုင်လိုက်၊ ဘေးမှာပြန်ချလိုက်နဲ့ပဲ တနာရီလောက် အချိန်ကြာသွားချိန်မှာတော့ စောင့်ဆိုင်းရတာ ပင်ပန်းရတာကြောင့် နှုတ်ခမ်းနီမြန်မြန်ဆိုး၊ ဆံပင်ကို လက်နဲ့သပ်လိုက်ပြီး မြန်မာစံတော်ချိန် မနက်ကိုးနာရီလေးဆယ့်ငါးမှာပဲ Videoဆိုတာကို အရဲစွန့်နှိပ်လိုက်သည်။