အိပ်ရာအပြောင်းအလဲကြောင့်လားမသိ၊ မနက်ခြောက်နာရီမထိုးခင်ကတည်းက နိုးလာသည်။
ပြန်အိပ်ချင်စိတ်လည်း မရှိသလို၊ အခန်းထဲမှာလည်း နွေးထွေးနေရတာကြောင့် မျက်နှာသစ်ပြီးတာနဲ့ တစ်ခါတည်း ရေချိုးလိုက်၏။ ရေချိုးပြီးချိန်မှာ မြတ်နိုးလည်း အိပ်ရာကနိုးနေပြီဖြစ်သည်။
" ရေချိုးတာလား.. မအေးဘူးလား... "
" မအေးဘူး.. ရေပူရတယ်.. ပြန်အိပ်ဦးမှာလား... "
" ထတော့မယ်.. ငါလည်း ရေချိုးမယ်.. ရေချိုးပြီး ပြီးတာပဲ.. အေးပေမဲ့ နေ့လယ်ပိုင်းကြလူက အိုက်စပ်ကြီးနဲ့ ငြီးစီစီဖြစ်နေမှာ... "
" အွန်း... "
အိပ်ပျော်နေတဲ့နှစ်ယောက်ကြောင့် စကားပြောသံတို့က ခပ်တိုးတိုးသာ။
" နင် ဘာဝတ်မှာလဲ... "
" ဘောင်းဘီရှည်ပဲ.. ဘုရားသွားဦးမှာမလား... "
" အွန်း.. ငါရဲ့ ဟူဒီနဲ့စကပ်ကတော့ အိမ်နေရင်းပဲ ဝတ်ရတော့မယ် ထင်ပါတယ်... "
Simple is the bestဆိုတာကိုသာ နှလုံးမူပြီး Polo Crop Top and Jeans pantsကိုသာ ရွေးချယ်လိုက်သည်။
မီးမဖွင့်ထားတာကြောင့် အခန်းအတွင်းက မှောင်နေသေး၏။ အဝတ်အစားလဲပြီးမှ မီးဖွင့်လိုက်သည်။
ဒါဟာ အရင်ကတည်းက ဟိုတယ်မှာ တည်းတိုင်း၊ သူများအိမ်မှာ တည်းခိုဖြစ်တိုင်း စိတ်မလုံခြုံမှုကြောင့် လုပ်ဖြစ်နေတဲ့ အကျင့်လို့ပဲ ပြောရမည်။
ပြတင်းတံခါးလိုက်ကာကို ဖွင့်လိုက်တာနဲ့ စိမ်းစိုလှပနေတဲ့ မြင်ကွင်းက စီးကြိုနေ၏။
မျက်လုံးဝေ့ကြည့်လိုက်တော့ Cottageရဲ့ ခြံစည်းရိုးဖြူဖြူကို မှီပြီး စီးကရက်သောက်နေတဲ့ ကိုကို့ကို တွေ့လိုက်ရသည်။
ESTÁS LEYENDO
ICY : Sugar Free Ice Cream
RomanceStart - 04.09.2022 End - 11.05.2023 ကျနော်တို့ နှစ်ယောက်လုံး မချစ်တတ်ဘူး။ ကိုကိုပြောတာ ဟုတ်တယ်။ သိပ်ချစ်ကြတဲ့ ချစ်သူတွေ မဟုတ်ဘူးနော်။ BOY x GIRL Own creation Burmese Fiction Cover - Pinterest
