ICY : Sugar Free Ice Cream

Cargo Pants - 7

" မနက်ဖြန် ဖယ်ရီနဲ့မလာနဲ့.. ဆိုင်ကယ်ယူခဲ့... "

" နင် ဆီထည့်ပေးမှာလား... "

" အေး နင့်ဆိုင်ကယ် ဆီအပြည့်ထည့်ပေးမယ်.. မကျေနပ်ရင် ဂါလံပုံးပါယူခဲ့... "

မှန်ထဲကနေ မြင်နေရတဲ့ စန္ဒာရဲ့မျက်နှာက ပုပ်သိုးလို့နေသည်။ ကျန်တဲ့နှစ်ယောက်ကတော့ တဟီးဟီးရယ်နေကြ၏။

62လမ်းပေါ်မှာရှိတဲ့ Central Pointကို တစ်ခေါက်မှ မရောက်ဘူးသေး။ မနက်ဖြန် Ptပြီးတာနဲ့ ရောက်ဖူးအောင် သွားကြမည်။

ဆိုင်ကယ်နှစ်စီး၊ လူက ငါးယောက်။ စန္ဒာ့အိမ်က ယောက်ျားလေးအပေါင်းအသင်းနဲ့ ပတ်သတ်ပြီး နည်းနည်းဆန်းဆန်းတင့်သည်။

ဒါကြောင့် မြတ်နိုးက ရတီနဲ့ရတီ့ကောင်လေး မိုးမြင့်ဇော်ရဲ့ဆိုင်ကယ့်နောက်က လိုက်ရမည်ဖြစ်ပြီး စန္ဒာက သူမရဲ့ဆိုင်ကယ်နောက်က လိုက်မည်။

" ဟဲ့.. တကယ်ယူလာရင် ယူလာမှာနော်.. အာမချောင်နဲ့.. မွန်မြတ်သန့်စင်က အကျင့်ကကောင်းတာ မဟုတ်ဘူး... "

" အေးဟယ် ဗေဒင်ဆရာကတော့ နာမည်လှလှလေး ပေးထားပါရဲ့... "

" ဆီထည့်မပေးချင်ရင် ဟိုတစ်ယောက်ဆိုင်ကယ်နောက်က လိုက်လေ.. ရတီ.. မိုးမြင့်ဇော်ကို ပြောလိုက်.. အဲ့တစ်ယောက်ပါ ခေါ်ခဲ့လို့... "

မကြားချင်ယောင်ဆောင်ပြီး Toiletထဲကနေ ထွက်ပြေးသွားတာမို့ ရယ်မိတော့သည်။ စန္ဒာ့အိမ်က ဆန်းဆန်းတင့်ယုံသာ၊ စန္ဒာကိုယ်တိုင်ကတော့ အလက်ဂျစ်ပါ ထပုံရသည်။

" နင်တို့နှစ်ယောက် အရွေးလွန်ပြီး တစ်ယောက်ထဲဖြစ်တော့မှာ... "