ICY : Sugar Free Ice Cream

Extra - 15

မွန်မြတ်သန့်စင်နှင့် သူ(မ)၏ message boxကို ဝင်မကြည့်သော တစ်ထောင့်တစ်ညပုံပြင်များ အတွဲ(၂)ကြောင့် ဆောင်းရာသီမှာပင် ချွေးစေးပြန်နေရ၏။

အတွဲ(၁)ကတော့ ဟိုးတလောပိုင်းက ထူးသန့်စင်တစ်ယောက် Englandကို ရောက်လာမယ်မှန်း မသိခြင်းဖြစ်ပြီး အခုအပိုင်းသစ်ကတော့ ရတီမိုးရဲ့ messageကို အချိန်နှင့်တပြေးညီ ဖတ်မကြည့်မိခြင်းကြောင့်ဖြစ်သည်။

Daily Routineဟာ မနက်ပိုင်းမှာ ကိုကိုအလုပ်သွားတာနဲ့၊ housewifeတစ်ယောက်ရဲ့ လုပ်ငန်းဆောင်တာတွေဆောင်ရွက်ပြီး၊ နေ့လယ်ပိုင်းမှာ Zoom Classရှိလေသည်။

စာမသင်ချင်သော်လည်း မိမိမှာ ဆရာမဖြစ်နေသောအခါ ပိတ်ရက်မှာ ဘယ်ကိုအလည်သွားမယ် စိတ်ကူးရင်းပဲ မိုတီယူရသည်။

UKတစ်ခွင် မရောက်ဘူး‌သေးသည့်နေရာ အတော်လေး များပြားသည်။ လန်ဒန်မှာတင် ပိတ်မိနေပြီး တခြားမြို့တွေလည်း သိပ်မရောက်ဖြစ်။

တစ်ရက်တစ်ရက် ညနေခင်းကိုပဲ မျှော်လင့်ရင်း အသက်ရှင်ရတာမျိုး မဖြစ်ချင်တာကြောင့် ဒီနေ့တစ်ရက်တော့ အတန်းလည်းဖျက်ပြီး Bellaနဲ့အတူတူ ဟိုဟိုသည်သည်လျှောက်သွားဖို့ စီစဉ်ဖြစ်သည်။

Bellaက တခြားဘယ်သွားချင်လဲ၊ သူလိုက်ခဲ့ပေးမယ် ပြောသော်ညား သူမကတော့ မငြီးငွေ့နိုင်တဲ့ Tower Bridgeနဲ့ အနီးအနားပတ်ဝန်းကျင်ကိုသာ ရွေးချယ်လိုက်၏။

ကိုကိုကတော့ နောက်တစ်ပတ်ပိတ်ရက်မှာ Stadium Dateအစား Disneyland Dateကြမယ်ပြောလာသည်။ Parisကို နှစ်ယောက်အတူတူ မသွားဘူးသေးတာကြောင့် ကိုကို့အစီအစဉ်ကို အထွန့်မတက်တော့ပါ။