အိမ်ပြန်ရောက်တာနဲ့ ချက်ချင်းပဲ ပြန်ရောက်ပြီဆိုတဲ့ လိုရင်းတိုရှင်းစကားနဲ့အတူ အိမ်မှာရှိနေတာ မှန်ကန်တဲ့အကြောင်း Mirror Selfieဓာတ်ပုံပါ ပို့လိုက်သည်။
မျက်ကွယ်ရာမှာ စိတ်လုံခြုံမှုရှိအောင် တက်နိုင်တာထက်ပိုပြီး ကြိုးစားပေးနေတာကို သိပါသည်။ အဲ့လိုပဲ သူမဘက်ကလည်း ကြိုးစားနေတာပဲ။
သွားချင်ရာသွား၊ လုပ်ချင်တာလုပ်လို့ရတယ်လေ။ သူမှမသိနိုင်၊ မမြင်နိုင်ပဲနဲ့ကို။ ချစ်တဲ့စိတ်ကြောင့်... အော်... ငါ့ကြောင့် သူစိတ်ချမ်းသာ၊ အဆင်ပြေပါစေစိတ်နဲ့ လုပ်ပေးနေတာတွေကို သိရင်လည်းကောင်းမည်။
စကား... စကားကတော့ ဒီအတိုင်းပြောလိုက်တာကို ဘာလို့အရေးတယူလာလုပ်နေတာလဲ။
ဒါပေမယ့် ဘာပဲဖြစ်ဖြစ်ပါ။ အနည်းဆုံးတော့ သူများတဖက်သားကို စိတ်ဆင်းရဲခြင်း၊ ကိုယ်ဆင်းရဲခြင်းမှ ကင်းဝေးစေလိုသည်။ မေတ္တာတွေက ရောင်ပြန်မဟပ်ခဲ့ရင်လည်း ကိုယ့်လိပ်ပြာကိုလုံချင်သည်။
ဘာလို့ဆို ကမ္ဘာတဖက်ကနေ အိပ်လို့မပျော်နိုင်ပဲ Face Timeခေါ်လာမယ်မှန်း ကြိုတင်သိနေတဲ့စိတ်ကြောင့်လို့ပဲ ပြောရမလား။
ယုံကြည်ချက်ပြင်းထန်လွန်းတာ မကောင်းမှန်း သိသည်။ ဒါပေမယ့် ကိုကိုဟာ တခါတလေ၊ တချို့ကိစ္စရပ်တွေမှာ ယုံကြည်ချက်ပြင်းထန်လွန်းရင် ကြုံတွေရနိုင်တဲ့ အကျိုးသက်ရောက်မှုကို သူကိုယ်တိုင်ပဲ ပြသလေ့ရှိတာကြောင့် မွန်မြတ်သန့်စင်ဟာ အရမ်းတော့ တဖက်စွန်းရောက်မသွားပါ။
" ညနေနေအေးရင် ရတီတို့နဲ့ ကော်ဖီဆိုင်သွားရင်သွား.. အခုမသွားနဲ့... "
" အခုသွားချင်လည်း ရတီက ကျောင်းသင်္ကြန်မှာ... "
" ဟုတ်ဆိုရင် ပြီးသွားတဲ့ကိစ္စမဟုတ်ဘူးလား... "
" ဘာမှလာမပြောနဲ့... "
" မွန်မြတ်သန့်စင်... "
" ကိုယ့်ဟာကိုအိပ်စရာရှိတာအိပ်.. ဘာမှလာမပြောနဲ့... "
" တော်တော့ကွာ... "
" တော်ရအောင်... ငါကဘာတွေလွန်လွန်ကျူးကျူးပြောနေလို့လဲ.. ဘာမှလည်း ဘာမှလည်း.. ပြဿနာဖြစ်စရာအကြောင်းမရှိပဲနဲ့ ဘာလို့... "
VOCÊ ESTÁ LENDO
ICY : Sugar Free Ice Cream
Romanceကျနော်တို့ နှစ်ယောက်လုံး မချစ်တက်ဘူး။ ကိုကိုပြောတာ ဟုတ်တယ်။ သိပ်ချစ်ကြတဲ့ ချစ်သူတွေ မဟုတ်ဘူးနော်။ BOY x GIRL Own creation Burmese Fiction Start - 04.09.2022 End - 11.05.2023 Cover - Pinterest
