ICY : Sugar Free Ice Cream

Dream - 53

ရောက်တဲ့နေ့ကတည်းက တစ်ရက်မှမနားပဲ လည်ပတ်ခဲ့သမျှဟာ ခြောက်ရက်မြောက်နေ့မှာတော့ Energyကုန်ခမ်းသွားရတော့သည်။ Menstrual painကြောင့်လည်း ဟိုဟိုသည်သည်သွားမယ့် စိတ်ကူးကို အကောင်အထည်မဖော်နိုင်ပါ။

အိပ်ရာထဲမှာပဲ ‌မနေ့တုန်းက ရိုက်ဖြစ်ခဲ့တဲ့ ဓာတ်ပုံတွေ ထပ်ကာထပ်ကာ ပြန်ကြည့်နေရင်း ဘယ်ကနေဘယ်လို ကိုကို့ရဲ့ Instagramစာမျက်နှာထက်ကို ရောက်ရှိသွားမှန်းမသိ ရောက်သွားသည်။

Facebookမှာတော့ သိပ်activeမဖြစ်သော်လည်း IGမှာတော့ တစ်လကို အနည်းဆုံး ဓာတ်ပုံသုံးပုံလောက် တင်ထားလေသည်။

ဓာတ်ပုံအများစုဟာ မိုးကောင်းကင်နဲ့တိမ်တိုက်ကို ရိုက်ထားတဲ့ဓာတ်ပုံတွေဖြစ်ပြီး Stadiumမှာ ရိုက်ထားတဲ့ဓာတ်ပုံတွေနဲ့ လေယာဉ်ပျံဓာတ်ပုံတွေပင်။ အဲဒီထဲကမှ ရှားရှားပါးပါးဆိုသလို သူမရဲ့ဓာတ်ပုံလေးတစ်ပုံက ရှိနေ၏။

ဂျပန်သွားတုန်းက ရိုက်ဖြစ်ခဲ့တဲ့ဓာတ်ပုံတွေကို အတော်လေးသဘောကျဟန်တူသည်။ ကိုကို့ဖုန်းရဲ့ Lock screenဟာလဲ အခုအထိမပြောင်းမလဲသေးပဲ ချယ်ရီပင်နဲ့ရိုက်ထားတဲ့ဓာတ်ပုံဖြစ်ပြီး အခုဓာတ်ပုံဟာလည်း နှင်းတွေနဲ့အတူ ရိုက်ကူးထားတာဖြစ်သည်။ ဒါ့အပြင် မွေးနေ့ဆုတောင်းစကားလည်း ရေးထားသေးသည်။

" Happy birthday to my best friend... "

Captionကို အသံထွက်ဖတ်မိရင်း နှု‌တ်ခမ်းစူမိသည်။ I love you princessဆိုတဲ့ နောက်ဆက်တွဲစာသားသာ မပါရှိခဲ့ရင် ကိုကိုတစ်ယောက်တော့ အကြီးအကျယ် ချော့မော့ရပေတော့မည်။

ဒီနှစ်ငါးလပိုင်းတုန်းက birthday wishကို နှစ်ကုန်ကာနီး ဆယ့်နှစ်လပိုင်းရဲ့နောက်ဆုံးရက်သတ္တပတ်မှာပဲ replyပြန်လိုက်သည်။ အချိန်အရမ်းကြာနေပြီမို့ ကိုကို့ကိုပြန်ချော့ရမှာမျိုးလည်း ဖြစ်ကောင်းဖြစ်နိုင်ပါလိမ့်မည်။