ဇာတ်ကားတွေထဲကလို မိဘတွေက အမေရိကကို ပို့တာဖြစ်ဖြစ်၊ မိဘတွေကို စိတ်ဆိုးပြီး အမေရိကားကို ထွက်သွားတာဖြစ်ဖြစ် သွားရရင် ကောင်းမည်။
ဘဝက ရုပ်ရှင်မဟုတ်တော့လဲ အခက်သား။ စိတ်ကောက်ပြီး နိုင်ငံခြားထွက်သွားရအောင် ဘဏ်ထဲမှာ သိန်းထောင်ချီနေတဲ့ပိုက်ဆံတွေရှိနေသလို၊ Visaကလည်း အလွယ်လေးရရင်တော့ ကောင်းတာပေါ့။
ဒါပေမယ့်... အိမ်ကကိုယ့်မိသားစုကတောင် ကိုယ့်အလိုကိုမလိုက်နိုင်တာ၊ ချစ်ရပါတယ်ဆိုတဲ့ လူသားကရော?
အမြင်ကပ်စရာကောင်းလောက်အောင် အဲဒီနဖူးထက်က ဆံပင်တွေကိုပဲ လက်နဲ့ထိုးဖွနေတာကြောင့် တွေ့တဲ့နေ့ကျရင် ကတ်ကြေးနဲ့ညှပ်ပစ်မည်ဟုတွေးထားသည်။
စိတ်လက်မာန်ပါတွေးလိုက်မိပြီးမှ အဲ့တာဟာ ပြဿနာလုပ်စရာကိစ္စမဟုတ်ကြောင်း ချက်ချင်းသတိကပ်လိုက်ရ၏။
" ပြော.. ငါမှန်လား မမှားဘူးလားဆိုတာ... "
" အခုဘယ်မှာလဲ... "
" အိမ်မှာပဲပေါ့.. ဘယ်သွားရမှာလဲ.. နာရီလဲကြည့်ဦး မနက်တနာရီရှိနေပြီကို... "
" အင်း.. တနေရာရာကပြန်လာတာလားလို့.. အရမ်းလှနေလို့ ကိုက်ပစ်လိုက်ရရင်ကောင်းမယ်... "
စိတ်တိုနေပါတယ်ဆို ဘာတွေလာပြောနေမှန်းမသိ။ အရေးထဲ နှလုံးကလဲ သူ့ဟာသူ ပုံမှန်လေးခုန်မနေပဲ သူ့အသံကိုကြားအောင်လာခုန်ပြနေသေးသည်။
" အပိုတွေလာမပြောနဲ့.. အမြဲတမ်းဒီပုံစံပဲ... "
" အမြဲတမ်းလှနေတာ.. ညသန်းခေါင်လဲလှ.. မနက်မိုးသောက်လဲလှနဲ့.. ကိုယ်မမြင်ရတဲ့ အချိန်ဆို ဘယ်လောက်တောင်လှလိုက်မလဲ မသိဘူး... "
အခန်းတွင်းအပူချိန်ကလဲ တဖြည်းဖြည်းမြင့်တက်လာသလို။
ပြုံးချင်နေတဲ့ နှုတ်ခမ်းတို့ကို ဘယ်လိုမှထိန်းချုပ်မရနိုင်တာကြောင့် Screenကို သေချာမကြည့်ရဲတော့ပဲ မျက်နှာလွှဲပြီး အခန်းနံရံကိုသာကြည့်နေလိုက်သည်။
ရယ်သံကြောင့် လိပ်ပြာတွေအမြန်ပြန်ဖမ်းပြီး ခေါင်းတချက်ဟန့်ကာ ဘာမှမကြားခဲ့သလိုဟန်ဆောင်ရင်း ဘေးနားကရေဘူးကိုယူကာ ရေမော့သောက်ပြီး စကားပြန်ဆက်ရ၏။
JE LEEST
ICY : Sugar Free Ice Cream
Romantiekကျနော်တို့ နှစ်ယောက်လုံး မချစ်တက်ဘူး။ ကိုကိုပြောတာ ဟုတ်တယ်။ သိပ်ချစ်ကြတဲ့ ချစ်သူတွေ မဟုတ်ဘူးနော်။ BOY x GIRL Own creation Burmese Fiction Start - 04.09.2022 End - 11.05.2023 Cover - Pinterest
