ICY : Sugar Free Ice Cream

Only You - 56

Edinburg‌hခရီးမှာရော အိမ်အပြန်ခရီးစဉ်တစ်လျှောက်လုံးမှာ ကိုကိုဟာ အရင်ကစွမ်းရည်လင်းနဲ့ မတူတော့ဘူးဆိုတာ မျက်ဝါးထင်ထင် တွေ့မြင်လာရသည်။

အလိုက်အထိုက်နေတတ်လာပြီး စကားပြောစွမ်းရည်လည်း ပိုကောင်းလာသည်။ အခုနေထိုင်ရတဲ့ဘဝနဲ့ပတ်သတ်ပြီး ကျေနပ်ပုံလည်းပေါ်သည်။

အိမ်နဲ့အဝေးမှာနေရပြီး တစ်ယောက်ထဲ (သူငယ်ချင်းတွေရှိပေမဲ့လည်း) နေရပေမဲ့ သူ့ဘဝသူ Enjoyဖြစ်ပြီး ရွေးချယ်ထားတဲ့ဘဝရဲ့ နောက်ဆက်တွဲကြုံလာနိုင်တဲ့ အခက်အခဲတွေကိုလည်း ကြံ့ကြံ့ခံရင်ဆိုင်မယ့်သဘောမှာရှိ၏။

မကြာခင်မွေးနေ့ရောက်တော့မှာ ဖြစ်တာကြောင့်လည်း ကိုကို့မွေးနေ့မှာ ဘာလက်ဆောင်ပေးရင်ကောင်းမလဲ စဉ်းစားနေရတာ ဒီကိုရောက်မလာခင်ကတည်းကပင်။ Romanticဆန်တာမျိုးလုပ်ပေးချင်ပေမဲ့ ဦးနှောက်က သိပ်creationမကောင်း‌ပေ။

လက်မှုပစ္စည်းလေးတွေ လုပ်ပေးရင်ကောင်းမလားဆိုတော့လည်း ဘာမှမလုပ်တတ်။ မွေးနေ့မှာ အစားအသောက်ကောင်းတွေ ချက်ပြုတ်ကျွေးမွေးမယ်ဆိုတော့လည်း ကိုယ့်လက်ရာကို မယုံကြည်ရဲ။

တတ်ကျွမ်းတာ၊ လုပ်နိုင်တာမရှိတဲ့ ကိုယ့်ဘဝကိုလည်း စိတ်မပျက်မိ။ ကိုယ့်ကိုယ်ကိုယ်လည်း အံဩမိပါသည်။

နောက်တော့ ကြုံရာမရတဲ့အဆုံး  CASETiFYနဲ့ ကိုကိုသဘောကျတဲ့ Girl Groupနဲ့ Collaboration လုပ်ထားတဲ့ Phone Caseသာဝယ်လိုက်သည်။

ဒီလက်ဆောင်လောက် ကိုကို့အပေါ်ထားရှိတဲ့ မွန်မြတ်သန့်စင်ရဲ့ ချစ်ခြင်းတရားကို ဖော်ပြနိုင်စွမ်းမရှိ။ အဟွန်း..... ။

" ဒီနှစ်မွေးနေ့က ဘယ်နှနှစ်ပြည့်မှာလဲ... "

" ဆယ့်ခြောက်နှစ်... "