ICY : Sugar Free Ice Cream

Rules - 39

Long Distance Relationshipကို ဖြတ်သန်းဖို့အတွက် စည်းမျဉ်းတွေလုပ်ထားသည်။ တကယ်တော့ YouTubeက Videoတွေကြည့်ရင်း တု၊ စု၊ ပြုထားခြင်းပင်ဖြစ်သည်။

အရေးအကြီးဆုံးလို့ မှတ်ယူထားတဲ့ နံပါတ်တစ်အချက်က တစ်ယောက်နဲ့တစ်ယောက်ရဲ့ Daily Routineနဲ့ Scheduleကို သိရှိထားခြင်းပင်။

Time Zonesကွာခြားခြင်းကို စိတ်ရှုပ်ရသော်လည်း ပြေလည်အောင်လုပ်ဖို့နည်းလမ်းမရှိ။ အဲ့တာကြောင့် စိတ်ရှည်သည်းခံတတ်ဖို့သာ လေ့ကျင့်ယူရမည်။

အင်း... ကိုကိုနဲ့ပတ်သတ်လာရင် ထင်မထား‌မိလောက်အောင် စိတ်ရှည်ပါတယ်။ စောင့်ဆိုင်းရလည်းဘာမှမဖြစ်ဘူး။

နံပါတ်နှစ်အနေနဲ့က ယုံကြည်မှုတည်ဆောက်ဖို့။ တကယ်ဆို ဒါကအရေးကြီးဆုံးဖြစ်ရမှာ။ ဒါပေမဲ့ နှစ်နေရာမှာပဲ။

နံပါတ်သုံးက တမင်တကာ မသိစေချင်လို့ လျှို့ဝှက်ထားတယ်ဆိုတာမျိုး မရှိဖို့။ Make a sacrificeဆိုတာ မရှိဖို့။

ဒါကတော့ ရိုးရှင်းပါတယ်။ တစ်ယောက်ကိုတစ်ယောက် ချစ်မြတ်နိုးကြတာပဲလေ။ အရက်သောက်တာမကြိုက်ဘူးဆိုလည်း မြင်မှမမြင်နိုင်ပဲ။

မသောက်ဘူးပြောလဲ ဘာတတ်နိုင်မှာလဲ ဆိုတာမျိုးတွေ ရှ်ိမလာ‌စေဖို့။ ပြီးတော့ ဇာတ်ကားတွေထဲကလို မင်းသားက မင်းသမီးအတွက် အနစ်နာခံလိုက်တယ်ဆိုတာမျိုး မလိုချင်ဘူး။

နံပါတ်လေးက ပြဿနာကို မရှောင်ဖယ်ဖို့၊ လိုက်ပြီးကပ်သတ်ပြောတာမျိုးတွေ မလုပ်ဖို့။ သဘောတူလိုက်ရင် ရရဲ့သားနဲ့ ခေါင်းမာပြီး ကိုယ့်သဘောဆန္ဒကိုပဲ ရှေ့တန်းမတင်ဖို့။

နံ့ပါတ်ငါးအချက်ကို ဘာထပ်ဖြည့်ရမလဲ စဉ်းစားကြည့်ပေမဲ့ ဦးနှောက်က ကောင်းကောင်းအလုပ်မလုပ်တော့ပေ။ ဒါကြောင့် ကိုကို့ကိုပဲ အ‌လုပ်ပေးလိုက်သည်။