Unicode
" ငါ-ိုး.. ဇွတ်ကပ်မလိုက်နဲ့ဟ... "
" မဆဲစမ်းနဲ့ဟ.. အစောင့်အရှောက်တွေက မကြိုက်ပဲနေလိမ့်မယ်... "
" -ီး.. လှေကားတက်လာရထဲက ဒူးချောင်ချင်နေပြီ... "
" မဆဲနဲ့လို့... "
ဆရာဥက္ကာက ရှေ့ဆုံးမှာနေပြီး ရှေ့ဆက်ဖို့ခြေလှမ်းတွေ တွန့်ဆုတ်နေတာကြောင့် တယောက်ပုခုံးတယောက်ကိုင်ထားပြီး တန်းစီရပ်သားနဲ့ သူ့အနောက်ကလိုက်ရတဲ့ နှစ်ယောက်မှာလည်း သွားရတာ သိပ်အဆင်မပြေ။
အဲ့လိုပြောလို့ နှစ်ယောက်ထဲက တယောက်မှလည်း အရှေ့ကသွားချင်စိတ်မရှိ။ ဂူထဲမှာမို့ အလင်းရောင်လည်း သိပ်မရသလို လင်းနို့ချေးအနံ့ကြောင့် အသက်ရှုပင်မ၀ချင်။
" ပြန်ထွက်ကြစို့... "
ပထမတကွေ့ကို အောင်မြင်ခဲ့ပြီး ဒုတိယအကွေ့အရောက်မှာပဲ အလယ်က ဆရာဘုဏ်းသန့်က ပြောလာသည်။
အသံက တုန်ယင်နေတာကြောင့် သိပ်မကြာခင် အလန့်တကြားနဲ့ ပြေးထွက်တော့မယ်မှန်း သိလိုက်သည်။
၀ရုန်းသုန်းကားမဖြစ်ချင်တာကြောင့် နှစ်ယောက်ပေါင်းပြီး ဘုဏ်းသန့်ကို ချုပ်ထားလိုက်၏။
" သားကြီး.. အေးဆေး.. စိတ်အေးအေးထားစမ်း.. အဆင်ပြေနေသေးတယ်လေ.. ဒီလမ်းအတိုင်း ပြန်ထွက်ရင် ခဏနဲ့အပြင်ရောက်သွားပြီ.. ကြောက်စိတ်နဲ့ ပြေးထွက်မှ အန္တရာယ်များတာ.. ငါတို့ရှိတယ်... "
ဥက္ကာရဲ့စကားကို ဖြည့်စွက်ပြီး ' စိတ်အေးအေးထား အသက်၀၀ရှု ' လို့ ပြောချင်ပေမယ့်လည်း အောက်ဆီဂျင်နည်းနေတဲ့ လေထုမို့ ကိုင်ထားတဲ့ ဘုဏ်းသန့်လက်ကို သူ့ပုခုံးပေါ်တင်လိုက်ပြီး ဂူထဲကပြန်အထွက်ကို သူပဲဦးဆောင်လိုက်တော့သည်။
" ဖြည်းဖြည်းဆင်း... "
ဂူထဲကို ၀င်ရောက်ဖို့ အနည်းငယ်မတ်စောက်တဲ့ လှေကားကို ဖြတ်ကျော်ရသည်။ အတက်တုန်းက အဆင်ပြေပေမယ့် အဆင်းမှာတော့ ဘုဏ်းသန့်က ကြောက်ဒူးတုန်ပြီး လှေကားကနေ တရွတ်တွန်းဆင်းပြေးတော့သည်။
သူလည်းအောက်ရောက်မှ သက်ပြင်းချနိုင်တော့သည်။ စိတ်ပင်ပန်းရတာကြောင့် မြေကြီးပေါ်မှာပဲ ထိုင်ချရင်း မောဟိုက်နေတာကို ဖြေရသည်။
YOU ARE READING
ICY : Sugar Free Ice Cream
Romanceကျနော်တို့ နှစ်ယောက်လုံး မချစ်တက်ဘူး။ ကိုကိုပြောတာ ဟုတ်တယ်။ သိပ်ချစ်ကြတဲ့ ချစ်သူတွေ မဟုတ်ဘူးနော်။ BOY x GIRL Own creation Burmese Fiction Start - 04.09.2022 End - 11.05.2023 Cover - Pinterest
