Unicode
Buildingရဲ့ အရှေ့ဘက်၊ ဒါမှမဟုတ် အနောက်ဘက်မှာပဲ ဆိုင်ကယ်ရပ်မယ် တွေးထားပေမယ့် အရှေ့ကဆိုင်ကယ်ပေါ်က ကိုယ်တော်ချောက နောက်လှည့်မကြည့်ပဲ ပထမဆုံးအကြိမ်တွေ့ဆုံခဲ့တဲ့ parkingနေရာကိုသာ မောင်းသွားသည်။
တနှစ်။ ဒီနေရာမှာ တွေ့ဆုံခဲ့တာ တနှစ်ရှိသွားပြီတဲ့။ အတွေးနဲ့အတူ မေ့ထားခဲ့တဲ့ ရှက်ရွံ့စိတ်လေးက ပြန်ရောက်လာပြန်သည်။
အင်းးး ဒါပေမယ့် ဟာသလုပ်နိုင်ပါပြီ။ တနှစ်ကြာသွားတော့လည်း ဒီကိစ္စဟာ သိပ်ရေးကြီးခွင်ကျယ် လုပ်စရာကိစ္စမဟုတ်တော့ပါဘူး။
" ဗိုက်ဆာတယ်.. ကြက်ဆီထမင်းစားချင်တယ်... "
" အမ်... "
" Lotteriaသွားရအောင်.. သူလိုက်မှာလား မေးလိုက်... "
" ဟမ်.. သူမလိုက်လို့ ဘယ်မှာစောင့်ခိုင်းရမှာလဲ... "
" အေးလေ.. မေးလိုက်... "
ရတီက Cardiganရဲ့ တံတောင်ဆစ်နားကို ဆွဲထားရင်း နား'နားကိုကပ်ပြောလာသည်။ ပြောပြီးတာနဲ့ တွန်းလွှတ်တာကြောင့် ကို့ရိုးကားယား ဖြစ်ရပြန်၏။
ဒီအထိရောက်လာပြီးမှတော့ ဇွတ်အင်နိုးစန့်ချင်ပြီး ခရုချင်နေလို့လည်း မဖြစ်သေးပါဘူး။ ပြောစရာရှိတာ ပြောဖို့ သတ္တိမွေးရမည်။
" ဟို... "
" အင်း... "
" Lotteriaသွားလို့ရလား.. အဆင်ပြေမလားဟင်... "
" သွားလေ... "
သိပ်မညှိနှိုင်းလိုက်ရပဲ ချက်ချင်းခေါင်းညိတ်ပြီး သူကပဲ ရှေ့ကဦးဆောင်သွားသည်။
" Couple goalsလား.. Cargo Pantsဆင်တူနဲ့... "
" မဟုတ်ပါဘူးဟာ... "
သူကတော့ မပြောင်းလဲတဲ့ Corduroy Cargo Pantsနဲ့။ အရောင်က နက်ပြာရောင်၊ အင်္ကျီက အဖြူရောင်။
ဘာပြောပြော ခေါင်းညိတ်နေသူဟာ ဆိုင်ထဲအရောက်မှာတော့ ပြောင်းလဲသွား၏။
ကြက်ကြော်စားမှာလား မေးတော့လဲ မင်းစားမှာလား၊ ဘာသောက်မှာလဲ မေးတော့လဲ မင်း ဘာသောက်မှာလဲသာ ပြန်ဖြေလာသည်။
YOU ARE READING
ICY : Sugar Free Ice Cream
Romanceကျနော်တို့ နှစ်ယောက်လုံး မချစ်တက်ဘူး။ ကိုကိုပြောတာ ဟုတ်တယ်။ သိပ်ချစ်ကြတဲ့ ချစ်သူတွေ မဟုတ်ဘူးနော်။ BOY x GIRL Own creation Burmese Fiction Start - 04.09.2022 End - 11.05.2023 Cover - Pinterest
