نجع الجن تأليف سماح عياد (عريس من تل أبيب )

الفصل الستون

الفصل الستون .
نجع الجن تأليف سماح عياد  .

وسط حالة من الفزع و الخوف و لوم الذات تم نقل إبتسام للمستشفى .
.................
في نجع الجن .
ملك :  أنت عارف يا جدي أن كل بنات النجع ملهمش سيرة غير الراجل الحلو اللي كان عندكم إمبارح .
فتحي :  هو أنا مش قلت تلمي لسانك ده بدل ما أقصهولك .
ملك :  و أنت مالك أنت ، أنا بكلم جدي .
معوض :  براحة عليها يا فتحي ، و بعدان ايه اللي حصل كملي .
سمر :  هو صحيح يا جدي الراجل ده هيتجوز عمتي سلوى .
تنظر لهم ملك بفزع ثم تحرك نظرها نحو سلوى الذي أصطبغ وجهها بلون الورد و كأنها تقول لها و أبي كيف شيعيش بدونك فأنت الوجود بالنسبة له و الحياة كلها أنت .
معوض :  مين اللي قالك الكلام ده .
سامية :  دا النجع كله بينكلم يابه ، الخوجايه هيتجوزها عمي صبري و الراجل الحلو هيتجوز سلوى .
ترد ملك و تقول :  و أبويا ، مش هو خطب عمتي سلوى ، وهي هتيجي تعيش في البيت الجديد .
معوض :  لا حول ولا قوة إلابالله ، موضوع أبوكي و عمتك سلوى إنتهى خلاص و مفيش نصيب إنه يكمل ، و أنا مش عايز كلام في الموضوع ده تاني .
فتحي :  أول مرة أشوف واحدة فرحانه أن أبوها هيتجوز على أمها .
ملك :  أنا بحب عمتي سلوى و كنت فرحانه إنها هتعيش معانا .
مصطفى :  هي كمان بتحبك و عمرها ما هتسيبك .
سلوى :  أنا يا ملك مقدرش أستغنى عنك و عمري ما هبعد عنك ، إنتي بنتي و صاحبتي .
تحضنها ملك و تقول :  و أنا بحبك و مش عايزة أبعد عنك .
سمر :  تخيل يا عمي مصطفى أن هناء بتقول أنك أحلى من يوسف .
فهمي :  يوسف كده حاف يا قليلة الحيا .
مصطفى :  بس يا فهمي ، بذمتك يا سمر هي قالت كده ، إنتي سمعتيها .
سمر :  أيوه أنا سمعتها لما كانت البنات بتقول ( تنظر لفهمي بتوترو تكمل ) على الضيف أنه أحلى واحد في الدنيا و هو أحلى من كل شباب النجع ، فهناء قالت إن فيه شباب كتير أحلى منه و قالولها زي مين يعني فهي قالت زي مصطفى مثلا .
تملأ وجه مصطفى الأبتسامة و ينسى وجود والده و يقول بصوت عالي :  والله كان قلبي حاسس .
معوض :  و قلبك حاسس بأيه يا سي مصطفى .
يرتبك مصطفى و يحمر وجهه من الخجل و يقول :  أنا لأ مفيش أصل أصل ورايا مذاكرة .

يخرج مصطفى جري من المضيفة حيث يجلس الحاج معوض و يتجمع حوله أولاده و أحفاده كما العادة .

فهمي :  أنا قلتلك ميت مرة متنقليش أي كلام سمعتيه .
سمر :  يا عمي فهمي ، هو اللي سألني ، يعني عايزني أكذب .
فهمي بغضب :  قلتلك ميت مرة بلاش عمي ، بس أنتي مبتفهميش .
تبكي سمر .
فهمي :  هو أنا كل ما بكلمك كلمة تعيطي .
عمار أخو سمر :  بس يا بت بطلي عياط ، إنتي مش صغيرة ، و بعدان ليه عايزها تقلك فهمي و أنا الأكبر منها بقولك يا عمي .
معوض بإبتسامة و نظرة ذات مغذى :  رد يا يا سي فهمي أشمعنا هي اللي مش عايزها تقولك يا عمي .
يرتبك فهمي و يقوم من مكانه و يقول ، أنا ورايا واجب و كنت ناسي أعمله ، ثم يخرج جري .

يلتفت الحاج معوض لفتحي و يقول :  و أنت يا أبو العريف موراكش مذاكرة و لا واجب .
فتحي :  لأ أنا مخلص كل حاجة و خلصت الكتب كلها مذاكرة .
معوض :  كتب ايه اللي مخلصها مذاكرة ، دا أخر مرة شفتك فاتح كتاب كان أيام الأمتحانات السنة اللي فاتت
فتحي :  أنا بخذن المذاكرة لقبل الأمتحانات علشان منساش المعومات .
معوض :  قوم يا ولا ذاكر بدل ما أكسر العصاية على ضهرك .
يخرج فتحي جري ثم ينظر لسلوى و يقول :  يلا كل واحد يقوم يشوف وراه ايه ، أنا عايز أكلم سلوى في كلمتين .