نجع الجن تأليف سماح عياد (عريس من تل أبيب )

الفصل الحادي و العشرون

الفصل  الحادي و العشرون .
نجع الجن تأليف سماح عياد  .

يدخل كمال مسرعا  إلى داخل البيت فلا يجد أحد فيصعد إلى شقته فيجد الباب مفتوح  فينادي يا عفاف ، يا ولاد ، فتخرج له كريمة  زوجة  أخيه و بنت عمه و هي تقول  :  لا مؤاخذه  يا أبو ملك ، بس أنا كنت بجيب غيار لعفاف علشان  هتبات  عند أمها النهارده  ، صحيح أنت سبت الخطوبه  ليه .
كمال :  عفاف مالها يا كريمة  و من غير كذب ، أنا عرفت كل حاجة  .
كريمة  :  ربنا يقويك يا أخويا ، عفاف تعبت و جالها نزيف  و ودوها المستشفى  قالوا الضغط  كان عالي  و عملها إنفجار في الرحم و العيل مات و لازم تشيل الرحم و هي دلوقتي في العمليات .
كمال :  كل دا يحصل و أنا نايم على وداني ، مراتي بين الحياة و الموت و أنا قاعد في وسط ناس بتغني و بترقص .
كريمة  :  محدش يعرف عمتي زينب قالت تلاقيه  تعب عادي و مهانش عليها بعتت أمينة  أختي لأهل عفاف خدوها المستشفى  و هناك الدكاتره  قالوا لازم  العملية  .

يمسعوا  حسني أخو كمال و زوج كريمة ينادي ويقول  :  ما تخلصي يا كريمة ، ساعة علشان  تجيبي غيار لأم ملك .
كمال ينزل مسرعا و يقول  بغضب : مراتي تدخل عمليات من غير ما حد يقولي .
حسني :  براحه يا  كمال  ، الموضوع  جه فجأة  و مردناش نبوظ عليك الليله و كلنا حوليها و محدش قصر معاها و نقلناها  من المستشفى  الحكومي لأحسن مستشفى  في المدينه بعربية إسعاف مخصوص و أكبر دكتور في المحافظة كلها  هيعمل لها العملية  .
كمال :  يعني حالتها خطيرة  و محدش رضى يعملها العملية هنا علشان كده نقلتوها للمدينه  و كمان في عربية إسعاف ،
ليتابع  كمال بغضب شديد :  كنتم هتقولولي أمتى لما تموت و تدفنوها ، الضغظ إرتفع  من قهرها عليا و لو فاقت ملقتنيش جنبها هتموت .
ليأخذ الشنطة من كريمة  و يخرج مسرعا نحو السيارة  ليذهب إلى عفاف  ، فيلحقه أخوه حسني بسرعة و يقول :  له إنزل أنا اللي هسوق ماينفعش  تسوق وأنت في الحاله دي  .
ينزل كمال من السيارة و يترك مكان القيادة لأخيه .
تنادي عليهم كريمة  : و الشبكة  يا أبو ملك و الناس اللي مستنيه العريس يدي العروسة  الشبكه .
يخرج كمال علبة المصوغات التي بها الشبكة  و يلقيها لكريمة  فتسقط منها العلبة و تنكسر و تتبعثر قطع الذهب التي بداخلها و يسرع كمال لركوب السيارة فينطلق بها حسني ، و تقوم كريمة  بجمع قطع الذهب و تحاول إصلاح العلبة فتفشل ، فتقوم بإغلاق البيت و تذهب لعمتها  زينب في بيت الحاج معوض لتحكي لها عما حدث بالتفصيل و كيف دافعت عنها كريمة لكي لا تتعرض لأزى زينب الذي لا يقدر عليه أحد .

كل ما حدث كان على مرأى و مسمع من جارتهم  لواحظ و التي بينها و بين زينب  عداوة مستمرة  .

تذهب كريمة إلى  بيت الحاج معوض  و تدخل إلى  المطبخ و تنادي على أحلام ( أم محمد ) ، فتأتي أم محمد  و تقول لها  كريمة .
كريمة  :  يا أم محمد عايزه صينية تقديم حلوة علشان  أحط عليها الشبكة و هاتي وردتين  من الزهرية بتاعة الورد و تعالي .
أم محمد :  طيب ما تحطي العلبة فوق الصينية و خلاص زي ما بنعمل .
كريمة  :  العلبة وقعت مني و إنكسرت  و ماينفعش نحطها على  الصينية كده .
أم محمد  :  دا فال وحش يا كريمة  .
كريمة :  ياختي دي كلها خرافات ، و بعدان دي هدية العريس لكن أبو ملك قال هياخد سلوى  تنقي اللي هي عايزاه شبكتها ، حتى لو إختارت الصاغة كلها .
أم محمد : أمال  هو فين أبو ملك علشان  يدي العروسة شبكتها .
كريمة  :  معلش يا أم محمد ممكن تنادي عمتي زينب  علشان  تشوف الدهب قبل ما ندخل بيه  .
أم محمد  :  حاضر من عنيا .
ذهبت أحلام ( أم محمد ) لتنادي الحاجة زينب من عند النساء .
أم محمد :  يا عمتي ، كلمي كريمة  عايزاكي علشان  تشوفي الدهب .
تذهب الحاجة زينب  لترى ماذا تريد كريمة  ، و هي تشعر أن هذا اليوم لن يمر على خير ، و لكنها لن تسمح لأحد بإفساد خطتها مهما كلف الأمر ، فهي لن تدخل أي أحد غريب إلى  بيتها حيث أن الأطباء أكدوا على عدم زواج كمال من أي واحدة من أبناء عمومته حتى لا ينجب أطفال معاقين ، فلا يمكن أن يتزوج من أي واحدة غريبة عن النجع لا تعرف طبعها و تجعل زوجات أبنائها  يتمردن عليها أو تحاول أن تستحوز على كمال بعيدا عن سيطرتها ، و في هذه الحالة ليس أمامها خيار إلا  سلوى فوالدتها غريبة عن النجع و جدتها لأبيها أيضا غريبة عن النجع ، هذا ما جعلها توافق أخيرا على  سلوى بعد أن كانت غير موافقة عليها بسبب حب كمال لها فالمحب  دائمآ  ضعيف أمام من يحب و هي أكبر مثال على ذلك فزوجها عبد الله  يعشقها و نتيجة لذلك إستطاعت أن تسيطر عليه و على البيت كله و أصبح أهل النجع كلهم رجال و نساء يهابوها و يثققوا في رأيها و كلمتها فوق الجميع ، هي تعلم أن سلوى  طيبة و تحب الخير و لكن هذا لا يمنع أنها عنيدة و تصل لما تريده و لا يستطيع أحد أن يقف في طريقها ، هذا بالإضافة  إلى ذكائها و إحترام  الجميع لها فهي ست الدكتوره التي تملك العلم و الجمال و المال و هي كما تطلق عليها ملك الساحرة الطيبة التي إن أرادت شيء تستطيع  تنفيذه حتى أن ملك مقتنعة أن سلوى تستطيع  علاج أخواتها ليكونوا أطفال طبيعين  ،