نجع الجن تأليف سماح عياد (عريس من تل أبيب )

الفصل السادس و التسعون

الفصل السادس و التسعون .
نجع الجن تأليف سماح عياد  .

عادل :  دا أكيد تشابه أسماء ، كمال إبن عمي مش متجوز غير عفاف بنت عمي ، و لو إتجوز تاني كان قالنا ، و بعدان إزاي إبتسام لسه عايشه .
جابر :  تفاصيل القصة يحكيها حازم باشا ، و دلوقتي لو عايزيني أساعدكم فدا شرطي ، و صدقوني محدش في الدنيا دي كلها ممكن يفيدكم غيري و كمان متنسوش إن في تهديد للبنوته الصغيرة ، يا ريت تفكروا و تردوا عليا بسرعة ، لأن أنتم معندكوش وقت ، لكن أنا و نور عندنا وقت كتير و ممكن بسهولة أوصل لهدفي .
فتحي :  حضرتك قولت إن مفيش وقت فياريت تبتدي تشتغل من دلوقتي و المليون دولار هيكونوا عندك بكرة و إحنا النهارده هنتصل بكمال و هنعرض عليه الموضوع و أحب أطمنك إن كمال ممكن يضحي بروحه و بالدنيا كلها علشان سلوى .
مدحت :  لو كان كلامك صح و إبتسام لسه عايشه فسيبها تعيش حياتها اللي هي إختارتها و كفايه اللي جرالها منك ، هي مش هتستحمل ضغط منك تاني .
جابر :  بص يا دكتور ، أنا عايزك  تجيب ميزان و تحط سلوى بكل الخيارات اللي قدامها لو مرجعتش في كفة ، و في الكفة التانية تحط اللي ممكن أوفره لإبتسام لو رضت ترجعلي و تكمل معايا و متنساش إني بحبها .
فتحي :  سلوى ترجع و إبتسام هتكون ليك ، بس في طلب صغير من حضرتك .
جابر :  طلباتك مجابة ، ايه هو .
فتحي :  عايز أخد حق أختي من بنت الكلب دي و عايز أعرف مين اللي وزها علينا و عرفها سكتنا .
جابر :  أعتبره حصل ، بس عايز شوية معلومات منكم هيتصل بيكم شخص و هيقلكم إن إسمه (مستر ولف )
و التعامل هيكون مباشر معاه ، و على فكرة ممكن يكون مستر والف راجل و ممكن يكون ست مش هتفرق و كمان ممكن الصوت اللي بتتكلم معاه يتغير بردوا مش هتفرق المهم إن الكود اللي هيدوهولك هيقولك عليه في بداية أي تواصل مابينكم ، أنا هسحب مليون دولار من رصيدي في البنك و أحوله لمستر والف النهارده و إنتم منين الفلوس ما تجهز ممكن تجبوها .

إنصرفوا من عند جابر و وجدوا حازم في إنتظارهم أسفل البناية التي بها مقر شركة جابر .
فتحي :  ليه بعتنا لجابر .
حازم :  لأنه الوحيد اللي ليه علاقات ممكن تفيدكم في موضوع سلوى ، و على فكرة لو أنتم ناسين سلوى دي تبقى بنت أختي لأني أنا و مدحت واحد .
عادل :  الكلام في الشارع مش هيفيد ، يلا بينا على الفندق علشان نشوف هنعمل ايه في اللي طلبه الأستاذ جابر .
حازم :  هو طلب ايه .
مدحت بغضب :  مش وقته يا حازم .
يوسف :  مش لازم نقول للهاج معوض .
عادل :  مش عارف ، لما نروح الأول نتشاور مع محمد و نشوف رأيه ايه .

توجهوا للفندق و عندما دخلوا الحجرة وجدوا الحاج معوض يجلس مع محمد و مصطفى و فتحي و يبدوا الغضب على وجهه ، و عندما رآهم توجه لعادل و ضربه على وجهه بالقلم و قال له :  أنا لسه مامتش ولا عاجز علشان بنتي تتخطف و يستبيح الأغراب عرضي و أنا نايم في داري ، لما أموت أبقوا إتصرفوا لوحدكم .
يوسف :  يا عمي إهنا كنا هنقول لهضرتك .
معوض :  كنتم هتقولولي أمتى ، ها قولي يا أستاذ عادل يا كبير ، خلاص يا عادل كبرت عليا ، على أبوك اللي مربيك .
عادل :  عمري ما أكبر عليك يا عمي ، أنت أبويا و أخويا و صاحبي ، لكن أعذرنا يا عمي إنت متعرفش النار اللي إحنا فيها .
معوض :  النار دي بتكويني أكتر منكم .
مدحت :  سامحنا يا حاج معوض ، ممكن حضرتك تهدى علشان نشوف هنعمل ايه .
يجلس الحاج معوض و هو في قمة الغضب و التوتر ثم يقف و يقول :  أنا هدخل أتوضى و أصلى ركعتين قضاء الحاجة و بعدها نقعد و نتكلم .
بعد أن دخل الحاج معوض الحمام ليتوضئ قال فتحي :  مين اللي قال لأبويا .
محمد :  عمك عمار هو اللي جاله في المنام و قاله روح شوف سلوى فين .
عادل :  الله يرحمك يابه .
حازم :  الله يرحمه ، هو إنتم كلكم بتمتلكوا قدرات كده و بتعرفوا تتواصلوا مع الأموات .
فتحي :  أيوه كلنا عندنا قدرات ، تحب أسخطك قرد .
فهمي :  فتحي ، أعقل إحنا مش ناقصينك .
فتحي :  عاقل أهوة ، الدور و الباقي على الناس التانية .
مصطفى :  قسماً بالله إن ما إتعدلت لطلع عليك اللي أبوك عمله فينا .
سكت الجميع فور خروج الخاج معوض من الحمام .
معوض :  يلا اللي مش متوضي منكم يروح يتوضى علشان هنصلي جماعة .