نجع الجن تأليف سماح عياد (عريس من تل أبيب )

الفصل الثالث و الستون

الفصل الثالث و الستون .
نجع الجن تأليف سماح عياد  .

في مكان أخر ليس على كوكب الأرض حيث السماء زرقاء صافية و الغيوم البيضاء كأنها سفن تبحر في بحر السماء تحمل الأحلام و الأمال لأشخاص مروا في هذا العالم الذي لا يوجد به شر لا يوجد به حقد لا يوجد به ظلم  .
لا يوجد به جابر لا يوجد به زوجات أخوتها  .
تلعب إبتسام في هذه الحقول و تجري وراء فراشة زاهية الألوان .
تسمع بعض الضجيج من بعيد فتفكر بالذهاب و رؤية ما يحدث و لكن الفراشة تعود من جديد لتستحوذ على كل إنتباه إبتسام فتعود لتجري حول البستان و تتبع الفراشات و هي تضحك .

أم إبتسام ( حميدة ) :  قومي يا بسومة قومي ودعي أبوكي إشبعي منه قبل التراب ما يداريه ، قومي واسي أمك اللي إنكسر ضهرها بعد أبوكي ، قومي يا بنتي طفي نار قلبي ، محتجاكي يا بسومة تاخديني في حضنك و تطبطبي عليا و تقوليلي متخافيش يمه أنا معاكي .
ثم تصرخ بأعلى صوتها و تهز إبتسام بقوة حتى أنها كادت تسقطها من على الفراش ، يأتي الطبيب و معه الممرضات و يخرجوا حميدة وسط صراخها و تعاطف الجميع مع هذه السيدة التي فقدت زوجها و ها هي إبنتها بين الحياة و الموت .
....................

مرفت :  بقه كده يا مدحت تقرا الفاتحة من غير ما أكون موجودة يرضيكي كده يا نجاة .
أم عادل :  ربنا يفرحه و يهنيه و بعدان مش إنتي اللي مختارة العروسة و هو مرضاش يكسر بخاطر البت لما إفتكرت إنه جاي يخطبها .
عادل :  بصراحة يا عمتي مرفت هو مكانش طايق نفسه و عايز يمشي بأي طريقة ، لكن أول ما شاف العروسة الدنيا إتغيرت معاه و كان عايز يكتب الكتاب مش يقرا الفاتحة .
حازم :  ألف مبروك يا طنط و عقبال النونو .
مرفت :  يا رب ، معقولة هعيش لما أشوف أولاد مدحت و يقولولي يا نانا .
سلوى :  ربنا يديكي طولة العمر لما تجوزيهم كمان .
صباح :  ألف مبروك يا حبيبي ، البنت دي ممتازة و أخلاقها عاليه و حازم بيقول إن أهلها ناس طيبين ، و عقبالك يا سلوى .
مرفت :  صحيح فكرتيني هتعملوا ايه في موضوع سلوى و يوسف .
حازم  :  هو جار أبو رنا و الراجل بيقول فيه قصايد شعر ، محسسني أنه قديس .
معوض :  لما يبقى شاب أجنبي و عايش لوحده و مبيفوتش فرض و ماشي وشه في الأرض و مش عاجبكم و إنتم رجالة و لضتوني علشان نروح نصلي في المسجد .
عادل :  أنا أول واحد روحت صليت ، الكلام لكم إنتم .
مدحت :  يا إبني عيب دا أنا خالك .
حازم :  ايه رأيكم بلاش خالي دي علشان مش لايقة عليكم .
مرفت :  هما أصلهم فرحانين بموضوع خالي و إبن أختي ، و بعد شوية هيزقوا و هيبطلوها لوحدهم .
معوض :  لو أهله جم يخطبوها يبقى ربنا يتملهم بخير .
ينظر مدحت لسلوى فيجد وجهها تغير لونه للأحمر مع نظرة في عينيها لم يراها من قبل مما أكد له أنها فعلا تريد يوسف ، هو لم يراه و لكنه دون سبب يشعر بالكره نحوه و كأنه غريم له مع أنه يدرك جيدا أن سلوى محرمة عليه و هو لا يحبها كحبيبة أو زوجة و متأكد أنه يحبها كأخت و لكن لا يدري لماذا يكره ذلك المدعو يوسف و يكره تلك النظرة التي يراها في عيني سلوى كلما ذكر أسمه و كأنه يسألها لماذا هو و ليس خطيبك السابق ، لماذا هو و لم يكن أنا الذي إنتظرتك سنوات .