نجع الجن تأليف سماح عياد (عريس من تل أبيب )

الفصل السادس و الثمانون

الفصل السادس و الثمانون .
نجع الجن تأليف سماح عياد  .

فارس :  يا جدتي حرام عليكي ، إزاي عايزاني أكري قطاع طرق علشان يخطفوا عمتي سلوى .
زينب :  لو عايز ملك تكون ليك يبقى مفيش حل قدامك غير إنك تنفذ اللي بقولك عليه .
فارس :  دا على أساس إني دايب في الست ملك ، دا أنا مبطيقعاش .
زينب :  و فلوس أبو ملك تروح للواد فتحي و محدش يبقى قده في النجع و يمكن في المحافظة كلها .
فارس :  لأ يا جدتي ، خير بيت الحاج عبدالله ميروحش لعيال الحاج معوض ، بس يا جدتي أنا مبقاش راجل لو عملت اللي إنتي بتقولي عليه ، عمتي سلوى دي عرضي ، عايزاني أجيب رجالة و أديهم فلوس علشان يخطفوا عرضي ، لا يا جدتي و لو هشحت أنا و عيالي .
زينب :  طول عمرك خايب و عيل طري ، إفهم يا حمار محدش هيقرب من عمتك و ممكن كمان نشرط عليهم اللي ينفذ يكونوا حريم .
فلرس :  حريم ، رجالة ، الموضوع دا تشيليه من دماغك خالص ، لو فيها موتي قصاد ديل جلبية أي حرمة غريبة يبقى يا مرحبا فما بالك بعمتي ، إنتي لو مكنتيش جدتي و غاليه عليا كنت دفنتك مكانك هنا .
زينب :  فارس ، إنت إزاي تقولي كده ، إنت إتجننت يا ولا .
فارس :  من هنا و رايح ملكيش كلام معايا خالص ، لسانك ده مينطقش بإسمي ، أنا كنت بزعل لما حد بيقول عليكي كلام شين ، و كنت بقف في وش أي حد يفكر يقل منك ، لكن من هنا و رايح مليش صالح بيكي و لو شفتهم دايسينك تحت رجليهم مش هتدخل .
زينب :  كل دا ليه علشان عايزة أحافظ على بيتي و عيالي و خيرهم ، هي مفيش غيرها اللي عاملة زي اللعنة في حياتي كل ما أقرب منها الدنيا تتهد فوق راسي ، لكن و ديني و ما أعبد ما هسيبك يا بنت نجاة الخدامة .
فارس :  دي بنت عمار الجن الشهيد أخوكي و هو كلام و بس .
زينب :  أخويا و أغلى من روحي و لغاية النهارده حزينة عليه .
فارس :  أخوكي اللي زليتي مراته و حرقتيها و طردتيها من بيته و اللي كلت مال عياله و دلوقتي عايزة تفضحي بنته ، لا يا حاجة زينب أنا رقبتي فدى عمتي سلوى و لو حصل و عمتي سلوى حصلها حاجة محدش هيقفلك غيري .
زينب :  هيحصلها و وريني هتعمل ايه يا عيل .
فارس :  عيال الجن كلهم رجالة و هتشوفي هعمل ايه ، و من هنا و رايح تنسي إن ليكي حفيد إسمه فارس .

..........

يتعجب جابر مما يحدث ، هل حازم وصل لهذه الدرجة من المكر و الدهاء ليقنع العالم كله بموت إبتسام ،
هو يعرف مدى مكر و دهاء حازم منذ أن كانوا أطفال .

أصيب بحيرة كبيرة فأي ظهور له الأن سيهدم الكون فوق رأسه فقصة حازم و إنهياره بسبب وفاة حبيبته أصبحت حديث الجميع حتى أن بعض القنوات الفضائية ذهبت لقرية إبتسام و صورت مع أخوتها و أقاربها الذين أجمعوا كلهم على مدى حب و عشق حازم لإبتسام و كيف كان مخلص و عاشق لها .

نفاق و كذب لماذا لأجل المال أم الشهرة ، كيف يقف أخوة إبتسام مع حازم هكذا و كيف نسوا والدتهم التي ماتت بسبب حسرتها على إبنتها ، كيف يفعلوا هذا ، كيف يقروا بموت أختهم و هي لاتزال على قيد الحياة .